Trescorrales acueye una esposición de banderes históriques

Trescorrales acueye una esposición de banderes históriques
22 ochobre 09:34 2020 Imprimir

L’Alcalde d’Uviéu, Alfredo Canteli, partició na inauguración de la esposición de banderes históriques d’España “De los Reis Católicos hasta los nuesos díes” que podrá visitase hasta’l 27 d’ochobre na Plaza de Trescorrales, una amuesa entamada pol Ministeriu de Defensa, en collaboración col Conceyu d’Uviéu y les asociaciones LLABRES y ARHCA, foi inaugurada esta mañana pol Alcalde, Alfredo Canteli. Podrá visitase hasta’l próximu 27 d’ochobre.

Gracies a esta amuesa, indicó’l rexidor, “ vamos poder conocer más y meyor la hestoria de la nuesa bandera, ensin dulda motivu d’arguyu pa toos el españoles”. “Defender les comunidaes autónomes como faemos n’Asturies” añedió l’Alcalde “nun ye incompatible con sentise arguyosu de la nuesa bandera y de los símbolos que nos xunen a toos independientemente del nuesu llugar de nacencia. Si daqué enseñónos la pandemia ye que solo xuníos consiguimos superar les adversidaes”.

Pela so parte, el Delegáu de Defensa, José Luis González Martín, aseguró qu’esta esposición del Institutu d’Hestoria y Cultura Militar del Exércitu de Tierra “cubre un vacíu cultural que tienen la mayoría d’españoles yá que anque munchos van conocer el so orixe militar, pocos saben cómo lleguemos a esti puntu. Na amuesa reflexa la evolución d’un símbolu, d’un pueblu y de un Estáu, l’Español, al traviés de les banderes de les sos unidaes militares”. Según esplicó la esposición empieza col pendón de los Reis Católicos “que fueron el ceadores del embrión d’un estáu modernu, independiente y unificáu como ye España” y pasa “por dos puntos claves como son el reináu de Carlos III” y la guerra de la Independencia hasta llegar al reináu d’Isabel II que, col Real Decretu de 13 ochobre de 1843 fai estensible la bandera tricolor  a tolos reximientos ya instituciones del estáu.  L’amuesa remata cola Constitución de 1978 y la bandera de los  nuesos díes.

La esposición que cunta cola organización de l’Asociación LLABRES de Reservistes Españoles n’Asturies y l’Asociación de Recreación Históricu Cultural  d’Asturies, va poder visitase, de forma gratuita, hasta’l día 27 d’ochobre n’horariu de 11:30 A 14:00 y de 17:30  A 21:00. El domingu, de 11:30 A 14:00 hora

  Categories: