Trescorrales acueye la IV Feria de Cerámica Creativa, con más de 20 espositores

El presidente de la Fundación Municipal de Cultura y conceyala, Roberto Sánchez Ramos presentó la IV Feria de Cerámica Creativa, “Cer.0.4”, con más de 20 espositores, que s’inauguró’l xueves na Plaza de Trascorrales y va permanecer abierta hasta’l  domingu.

El conceyal, que tuvo acompañáu del coordinador de l’amuesa, el ceramista Julio García de la Cai, destacó la importancia de la Feria “pa Uviéu, Asturies y el restu d’España, yá que vienen artistes d’otres comunidaes” y recordó “la tradición de la cerámica n’Uviéu, que data del sieglu X”. Sánchez Ramos estimó “a tolos ceramistes participantes el so gran trabayu” y amosó el sofitu del Conceyu d’Uviéu en proyectos como éstos nos que s’escuerre “recuperar les tradiciones”. Prueba d’ello, indicó, “ye que nos presupuestos municipales que salen publicaos nel BOPA hai una partida de 180.000 euros pa la construcción del Muséu de la Cerámica de Faru, col legáu de ‘Selito'”.

García de la Cai aseguró que la Feria ye yá un referente n’España y que nella s’espondrán pieces pequenes, úniques o pequenes series con precios que van bazcuyar ente los 30 y los mil euros, nel casu de grandes murales, por casu. Tamién convidó “a tol que lo deseye a pasase pola amuesa”.