Trescorrales acueye la esposición pictórica solidaria ‘Artistes por Manos Xuníes’

L’alcalde d’Uviéu, Wenceslao López y el presidente de la Fundación Municipal de Cultura, Roberto Sánchez Ramos, presentaron esti día a a los medios de comunicación de la esposición ‘Artistes por Manos Xuníes’ que s’inaugura a les 18 hores y va permanecer abierta hasta’l próximu llunes.

L’amuesa, allugada na plaza de Trascorrales, ábrese al públicu hasta’l próximu llunes día 7. Na mesma, espónense 105 obres de 90 artistes asturianos que quixeron contribuyir desinteresadamente con esti proyectu donando les sos creaciones. Los precios de les obres bazcuyen ente los 50 y los 1.200 euros, un preciu mediu inferior al del mercáu  por cuenta del so calter solidariu.

Tanto l’alcalde como Sánchez Ramos destacaron el doble enfotu “cultural y solidariu” d’esta esposición y animaron a los uvieinos a sofitar la cultura, contribuyendo amás con una bona causa. El presidente de la Fundación Municipal de Cultura esplicó que’l Conceyu ufre a la ONG l’espaciu y collabora, coles mesmes, colos gastos del montaxe, desmontaje y seguridá que suponen un desembolsu de 4.500 euros.

Dende la ONG, la coordinadora de la esposición, Josefina Fueyo, indicó que l’oxetivu ye financiar la construcción d’un internáu pa neñes na rexón india de Piriaponch. Fueyo esplicó que munches de les 150 neñes qu’alleguen a esta escuela vense obligaes a quedase a dormir na mesma pola imposibilidá de volver a casa por cuenta de la distancia. Eses neñes tienen que dormir nel suelu, na mesma aula onde reciben les sos clases. Amás, por cuenta de esta dificultá, munches families opten por nun unviar a les sos fíes al colexu, quitándo-yos asina la posibilidá d’algamar una educación.

El proyectu, que supon una inversión de 25.153 euros, consiste na construcción de cuartos y aseos pa facilitar que les neñes pueden quedase a pasar la nueche na escuela nes meyores condiciones. L’horariu pa visitar la esposición ye xueves, vienres y llunes de 18:00 a 21:00 hores. El sábadu, de 11:30 a 14:30 hores y de 18:00 a 21:00 hores y, el domingu, de 11:30 a 14:30 hores.