Trescorrales acueye JUVENIA, la Esposición Nacional de Filatelia Xuvenil

Trescorrales acueye JUVENIA, la Esposición Nacional de Filatelia Xuvenil
11 15:25 2021 Imprimir

Trescorrales va acoyer  hasta’l próximu día 13 de payares, JUVENIA, la Esposición Nacional de Filatelia Xuvenil, que vien celebrándose cada dos años dende 1971.

La cita, qu’algama anguaño la so edición númberu 27, foi presentada pol conceyal de Cultura, José Luis Costillas; el Comisariu de l’amuesa y vicesecretariu de la Federación Española de Sociedaes Filatéliques, José Pedro Gómez-Agüeru; el responsable de la Área Noroeste de Correos, Daniel Arango y el Presidente Federación Asturiana de Sociedaes Filatéliques, Ángel Iglesias.

El conceyal y presidente de la Fundación Municipal de Cultura amosóse “encantáu” con qu’esta amuesa recale n’Uviéu “por que los uvieinos y los que nos visiten, aficionaos o non a los sellos, puedan almirar les meyores colecciones de mozos amigos de la filatelia, ente ellos nuevos filatelistes franceses. Esta actividá va constar de casi doscientos paneles de 16 llámines de sellos cada unu, y nella darán cita ochenta participantes de toa España”.

El conceyal destacó tamién “l’importante llabor pedagóxicu qu’esta actividá realiza cola mocedá, dándo-yos a conocer la filatelia y espertando nueves moliciones ente ellos”. Amuesa d’ello son les actividaes que numberó y esplicó José Pedro Gómez-Agüeru, ente elles, la esposición “El Mundu de los sellos”, que llega al colexu Carmen Ruiz Tilve en percorriendo más de 500 centros educativos por toa España desque foi inaugurada por Antonio Mingote en 1998.

L’amuesa que va poder visitase de 10:00 a 14:00 y de 16:00 a 20:00 hores, ta entamada pola Federación Española y Federación Asturiana de Sociedaes Filatéliques, y cuenta col patrociniu del Conceyu d’Uviéu.  Correos y la Real  Casa de la Moneda-FNMT.

  Categories: