Trés mil alumnos apuren al Principáu que camude yá’l temariu de la EBAU

Trés mil alumnos apuren al Principáu que camude yá’l temariu de la EBAU
13 abril 09:12 2018 Imprimir

Trés mil alumnos apuren al Principáu que camude yá’l temariu de la EBAU, sigún dexaron afitao representantes estudiantiles dientro de les xornaes de puertes abiertes coles que la Universidá d’Uviéu pretende captar nuevos alumnos.

Lucía Suárez, estudiante de segundu de Bachilleratu del Centru d’Educación Secundaria San Eutiquio-Sallar, visitaba esti día la Escuela Politécnica d’Inxeniería (EPI) dientro de les xornaes de puertes abiertes coles que la Universidá d’Uviéu pretende captar nuevos alumnos. Pero los participntes falaben de la inminente Evaluación de Bachilleratu p’Accesu a la Universidá (EBAU) y les diferencies ente la que tendrán de pasar ellos y la que va faer el restu d’estudiantes del país. «N’Hestoria, a nós inclúyennos el 97% del temariu. N’otres comunidaes, el 25%», llamentó.

Esa diferencia nel temariu d’esta asignatura foi analizada na asamblea del Sindicatu d’Estudiantes celebrada nel Conseyu de Mocedá de Xixón y axuntáronse casi 3.000 firmes n’internet, al traviés de la campaña puesta en marcha en change.org, pero agora quieren faer lo mesmo en papel: “Vamos Movilizar a tolos centros, pa informar y recoyer firmes nos recreos”. Unes firmes que van llevar al conseyeru d’Educación,

Quieren evitar la discriminación que supon pa los estudiantes asturianos, “faer un exame nel que t’esixen muncho más que, por casu, en Cantabria. A la fin, quien vamos tener problemes p’aportar a la carrera que queramos somos nós”, señaló Lucía Fernández.

  Categories: