‘Trés anuncios pela rodiada’ trunfa nos SAG Awards

24 xineru 13:28 2018 Imprimir

Sigue la temporada de premios en Hollywood tres los Globos d’Oru y los Critics’ Choice Awards. Trés anuncios pela rodiada foi la gran ganadora nos SAG Awards, galardones apurríos pol Sindicatu d’Actores estadounidense (SAG, poles sos sigles n’inglés), y celebraos esti domingu 21 nel Shrine Auditorium de Los Angeles.La cinta de Martin McDonagh que narra la llucha d’una madre en busca xusticia pola violación y l’asesinatu de la so fía, foi escoyida como la película con Meyor Repartu del añu. Coles mesmes, Trés anuncios pela rodiada tamién algamó los premios a Meyor Actriz, para Frances McDormand; y Meyor Actor de Repartu, para Sam Rockwell.

Nuna gala marcada de nuevu pol movimientu Time’s Up en contra de los abusos sexuales na industria del entretenimientu, Gary Oldman ganó’l premiu a Meyor Actor por L’intre más escuru, ente que Allison Janney foi escoyida como Meyor Actriz de Repartu per Yo, Tonya.

Nes categoríes de televisión les grandes ganadores fueron This Is Us, escoyida como la serie de drama con Meyor Repartu y Meyor Actor, pa Sterling K. Brown; y Big Little Lies, que s’alzó colos galardones a Meyor Actor y Actriz en Miniserie pa Alexander Skarsgard y Nicole Kidman, respectivamente.

  Categories: