Portada Plástiques “Trazaos Comunes” amuesa la filosofía d’Imaxina un Bulevar

“Trazaos Comunes” amuesa la filosofía d’Imaxina un Bulevar

by redacción asturnews

La vicealcaldesa d’Uviéu, Ana Taboad,a inauguró esta selmana la esposición Trazaos Comunes. Acciones pa tresformar la ciudá ente toos” na que se recueye la filosofía d’Imaxina un Bulevar, la llucha y los cambeos urbanísticos que propón la plataforma pa la entrada d’Uviéu según l’antes y dempués d’otros proyectos similares en distintos llugares del mundu nos que tamién se cuntó cola participación ciudadana.

Según resaltó la vicealcaldesa, l’oxetivu de l’amuesa, que podrá visitase hasta’l día 3 de xunu nel Palaciu Conde de Toreno, y darréu nos centros sociales de la ciudá, ye ufiertar información a los vecinos sobre los procesos de participación y tresformamientu de la ciudá pa crear una conciencia de participación, qu’hasta agora nun teníamos n’Uviéu”.

Primeramente al actu d’inauguración al que tamién asistieron los conceyales Ignacio Fernández del Pandorial, Merced González y Cristina Pontón, la vicealcaldesa, miembros d’Imaxina un Bulevar y el ceadores de la esposición realizaron un percorríu poles cais d’Uviéu, que partió del barriu Guillén Lafuerza, pa visibilizar  el procesu de tresformamientu de la entrada a Uviéu pola antigua A-66.

La esposición ye una de les actividaes enmarcaes nel procesu participativu puestu en marcha pola conceyalía que dirixe Ana Taboada y que s’empecipió con “Da vida al bulevar”, gracies al cual, los uvieinos propunxeron y darréu escoyeron Santuyano de los Praos como nome pa la entrada a Uviéu pela antigua autopista.

 

Tamién te podria gustar