Trascorrales acueye la XXVI Feria LibrOviedo del 10 al 19 de mayu

Trascorrales acueye la XXVI Feria LibrOviedo del 10 al 19 de mayu
09 mayu 13:03 2019 Imprimir

La feria LibrOviedo vuelve a la plaza de Trascorrales del 10 al 19 de mayu, con un total de 13 llibreríes de la ciudá que van poner a la vienta más de 10.000 exemplares, con un 10% de descuentu. La programación, con más d’un centenar d’actividaes, foi presentada esta selmana pola conceyala d’Educación, Mercedes González, y Marta Prieto, presidenta de l’Asociación de Llibreros d’Uviéu.

“Anguaño centremos na poesía y na programación infantil. Vamos Tener amás munchos autores asturianos inéditos o que tán empezando, faciendo la Feria ‘bien nuesa’ pero non por ello dexando de llau a grandes autores”, esplicó Marta Prieto, quien destacó, dientro de les actividaes infantiles y col sofitu de la conceyalía d’Educación, “la visita de mediu millar d’alumnos de 1º de Primaria, que van participar en Cuentu en cantadores, col músicu David Varela”.

Pa esta edición, añedió la presidenta de los llibreros d’Uviéu, “la feria editó una obra conmemorativa “qu’inclúi dos xéneros pa una mesma tema, la lleenda de les cien doncelles asturianes: “Los dos reis” (novela curtia de Michael Masson) y “Bermudo” (Drama en trés actos d’Augusto Y. Madán), un estudiu preliminar, con traducción y notes d’Adolfo Casaprima, esplicó Marta Prieto.

A xuiciu de la concejala d’Educación “ye importante l’apueste de LibrOviedo por trabayar colos neños y neñes más pequenes. Averase a la llectura ye primordial. Tamos bien satisfechos de collaborar un añu más”.

Tol programa equí: https://www.libroviedo.es/programa

  Categories: