Trascorrales acueye la X Feria d’Arte Uviéu

Trascorrales acueye la X Feria d’Arte Uviéu
09 ochobre 10:01 2020 Imprimir

La décima edición de ‘Arte Uviéu’, la Feria d’Arte Contemporaneo del Principáu d’Asturies, desenvuélvese dende’l xueves na plaza de Trascorrales hasta’l 11 d’ochobre con una importante variedá d’obres contundentes, según aseguró’l so director artísticu, Iván Dasto.

L‘oxetivu ye la promoción del arte contemporaneo n’Asturies y qu’esta cita sía un revulsivu pa potenciar el trabayu de los artistes y convertise en “el meyor escaparate para les galeríes locales”. La feria, añedió’l conceyal del ramu, Costillas, “refuerza’l compromisu del Conceyu coles galeríes como comerciu calidable y proximidá yá que anguaño aprobóse una partida de 3.000 euros para adquirir, dende la Fundación Municipal de Cultura, una de les obres del artista premiáu”.

Nesta edición d’ARTEOVIEDO  20 va otorgase, amás, el Premiu “Na alcordanza de Kely.”, a la considerada meyor obra d’esta Feria. Ye un homenaxe a la pintora finada nel añu 2013 que consiste nuna medaya d’autor, de Juan Zaratiegui, escultor y medallista”, sorrayó’l responsable municipal de Cultura.
“Amás de la esposición en sí, hai que destacar  que la Feria tien una importante actividá paralela a lo llargo d’esta selmana y del mes próximu, que se va desenvolver en dellos espacios: Trascorrales, Muséu Arqueolóxicu y  el de Belles Artes…. Instalaciones, ponencies y perfomances que se van dir celebrando nestos equipamientos ente ochobre y payares”, concluyó Costielles.

Na feria van participar 68 artistes, un 70% asturianos, y 17 galeríes d’Uviéu, Xixón y Avilés, amás de la Escuela d’Arte d’Uviéu pa conmemorar la décima edición con obres de pintura, la escultura, la obra gráfica, la fotografía y l’instalación.

VER ACTIVIDAES PARALELES A LA FERIA

  Categories: