Trabe recupera la novela “Asina somos Nós”

La editorial Trabe recupera na so colección “Clásicos y contemporanios” la novela ganadora del nonu premiu Xosefa Xovellanos (1988) y publicada un añu después.

“Asina somos Nós” ye la primer novela de Miguel Rojo (Zarracín, Tinéu, 1957). Al traviés d’una historia de perdedores, Miguel Rojo enfrenta a quien llee con un doble planu narrativu: el de los personaxes, los sos amores y odios, les sos pasiones, fracasos y ésitos, y el del autor, contra quien tienen que lluchar los protagonistes si quieren sobrevivir dientro de la narración y que va apaecer como’l personaxe omnisciente que se llama Nós.