Portada Lliteratura Trabe asoleya’l poemariu ganador del Elvira Castañón 2010

Trabe asoleya’l poemariu ganador del Elvira Castañón 2010

by asturnet

La editorial Trabe ta acabante sacar al mercáu “Aquella xente nunca sabía aú llevaben les carreteres xunta les que vivíen”, el que definene como “quiciabes el poemariu más heterodoxu, plural y diversu d’Héctor Pérez Iglesias”. Con esta obra ganó Héctor Pérez Iglesias (Arlós, Llanera 1978) el Premiu «Elvira Castañón» na convocatoria del 2010.

Dividíu en cuatro partes, «Cosmogoníes», «Nocturnos», «Estielles» y «Rumbos», aliméntase de versos llargos de reminiscencies bíbliques y poemes onde la imaxe surrealista apodera los versos. Nun falten tampoco aquellos otros más figurativos que vinieron alimentando los poemarios anteriores del autor o’l poema que bancia pa lo visual y esperimental.

Héctor Pérez Iglesias (Arlós, Llanera 1978) ye un poeta de reconocíu prestixu y voz (voces) personalísima, tien publicaos los volúmenes Prisión de náufragu (2006), L’amarga cazumbre(2008), Como crecieres tu y Lo peor del bon tiempu (2010). Nel añu 2009 estrenóse publicamente nel mundu de la narrativa col volume de cuentos Desinencies.

Tamién te podria gustar