Portada Comunicación TPA retresmite esti fin de selmana los partíos del Sporting y del Real Uviéu

TPA retresmite esti fin de selmana los partíos del Sporting y del Real Uviéu

by asturnet

La televisión autonómica asturiana retresmite esti fin de selmana los partíos que los dos principales equipos de fútbol asturianu, Real Sporting de Xixón y Real Uviéu, disputen en Murcia y Uviéu, respectivamente. Pa la emisión del alcuentru ente’l Sporting y el Murcia, la TPA va desplazar hasta l’estadiu de la Condomina una unidá móvil con un equipu formáu por dieciséis persones.

La tresmisión del partíu Sporting-Murcia va escomenzar a les 18,20 hores d’esti sábadu 21 y va cuntar colos comentarios del periodista José Carlos Cuesta y del ex xugador del club playu José Manuel. Darréu del partíu, la televisión autonómica, tien programada pa les 20,30 la película “Ruby Cairo”.

L’alcuentru ente’l Real Uviéu y el Racing B. va retresmitise’l domingu 22 a les 18,00 hores dende l’estadiu Carlos Tartiere. Tamién pa después del partíu tien programao TPA la emisión d’una película, nesti casu “Oliver Twist” de David Lean.

Tamién te podria gustar