Torna’l Cine a La Semiente con Luis Felipe Capellín

Torna’l Cine a La Semiente con Luis Felipe Capellín
18 18:26 2015 Imprimir

Esti Xueves 19 de Payares tornen al Centru Social Autoxestionau “La Semiente” de L’Entregu les proyeciones de cine gratuites.

Nesta ocasión, estrenando nueva pantalla va tar un autor que ya nun ye la primera vegada que presenta les sos creaciones documentales en La Semiente,  Luis Felipe Capellín.

Esti cineasta asturianu, nacíu en Cangues pero xixonés dende neñu, tuvo una participación activa na llucha escontra la dictadura y tamién nos inicios del réximen del 78 con reponsabilidaes polítiques y sindicales. Aunque va unos años qu’abandonó la vida partidaria, nun dexó la llucha pola Xusticia Social, los Derechos Humanos y la Memoria, adientrándose nel mundu audiovisual col envís d’asoleyar tolo que los medios informativos silencien o manipulen.

Rosario d’Acuña y Villanueva. ( Madrid, 1 de Payares de 1850 – Xixón, 5 de Mayu de 1923 ) foi una escritora, pensadora, periodista, articulista, a la vanguardia na so dómina nel procesu español pola igualdá social ente homes y muyeres, y na llucha polos derechos de los más débiles. Nel so postreru trabayo’l director acercanos a la vida d’esta muyer, polémica,avanzada nel so tiempo, llibrepensadora,d’ideoloxía republicana,masona… una gran desconocida tantu nel planu personal como nel profesional, que pasó los sos últimos años en Xixón, ciudá a la qu’amaba y na que finó y reposen los sos restos.

Loading Facebook Comments ...