Portada Educación “Tolos díes un cuadru” fina nel colexu de Fozaneldi

“Tolos díes un cuadru” fina nel colexu de Fozaneldi

by redacción asturnews

El colexu Fozaneldi acoyó esti vienres  pasáu la postrera Actión-painting d’esti cursu escolar cola collaboración en directu de la OSPA. Tratábase de l’actividá “Tolos díes un cuadru”, incluyida na programación d’actividaes educatives complementaries de la Conceyalía d’Educación en collaboración col grupu d’Arte CAI Naranco .

Tolos díes, un cuadru, ye una Actión-painting, recordando a Pollock, frutu de la interacción de pintura y música clásica. Los artistes son persones con diversidá funcional, qu’apurren la so personal espresión de les técniques pictóriques al son de la música. “Tolos díes, un cuadru”, ye la resultancia de les esperiencies realizaes pol grupu d’Arte CAI Naranco dende los sos empiezos nel añu 2010.

La técnica pictórica ye l’espresionismu astractu, caracterizáu pola espresión de les emociones y sentimientos, pola fuerza de el color y les formes y pola creatividá y llibre espresión de cada trazu. La música ye de repertoriu clásicu, xunas vegaes grabáu y otres, cola collaboración y presencia  d’un cuartetu de la OSPA, formáu por 2 violinos, xuna viola y un violonchelu.

Nel proyectu intervinieron interactuando en distintos espacios públicos y con distintos colectivos:  centros Sociales  de Persones Mayores de Pumarín y Apartamento  Cuadonga d’Uviéu; n’actividaes intergeneracionales con Mayores y el Colexu Amor de Dios; na cortil de Trascorrales ; nel Muséu de Belles Artes ,y agora, gracies al programa d’Uviéu Ciudá Cultural y Educadora ,va participar en 12 colexos de la comunidá educativa : Juan Rodríguez Muñiz, Latores, Angel de la Guarda, Parque Infantil, Santa Maria del Naranco, Xesta I y II, Duce Nome de Jesús, La Milagrosa, Baudilio Arce, Auseva, Fozaneldi y la Eria.

 

Tamién te podria gustar