Thomas Noone y la so “The room” lleguen al Festival Danza de Xixón

07 ochobre 08:50 2011 Imprimir

El Festival Danza Xixón presenta nel Teatru Xovellanos el sábadu 8 d’ochobre a les 20:30 hores, “The Room”, una propuesta de gran formatu del coreógrafu británicu afincáu en Barcelona, Thomas Noone.

The Room ye un espectáculu pa seis baillarinos onde la danza, bien física y precisa, de Thomas Noone ponse al serviciu d’una idea narrativa: seis personaxes atópense nun espaciu zarráu nel qu’amuesen al espectador les relaciones qu’ente ellos van texéndose. Tratar d’una coreografía que fala de les relaciones humanes y na que los intérpretes esbillen les sos distintes personalidaes, montando un tapiz d’identidaes y arquetipos fácilmente reconocibles.

The Room ye una propuesta de gran formatu que la Thomas Noone Dance desenvolvió en tres fases de producción a lo llargo de 2008, 2009 y 2010, y na que s’implicaron artistes como los escenógrafos Max Gaenzel y Estel Cristià, amás del compositor italianu Diego Dall´Osto.

  Categories:
Loading Facebook Comments ...