ConceyosEscéniques ‘The Asturian Sisters’ aporta al Xovellanos by redacción asturnews 18 de mayu, 2022 written by redacción asturnews 18 de mayu, 2022 3,1K Esti miércoles 19 de mayu, The Asturian Sisters, la obra creación de Eladio de Pablo, con Sheila Montes, Ana Morán, Paula Mata, va allegase al Teatru Xovellanos de Xixón depués del so estrenu absolutu na fin d’abril nel Palacio Valdés d’Avilés. La llegada de la pandemia supunxo ente otres coses la suspensión d’actividá nos teatros. Trés actrices esitoses del musical, escarmaes de la precariedá, la inestabilidá y el estrés inherentes a la so vida d’artistes, deciden, énte la nueva situación, alloñar voluntariamente de la escena por una llarga temporada y formar una Comunidá retirada del mundanal ruiu y basada nel esfrute del intre pasaxeru, les bones vibraciones y la paz del espíritu, resumíes nos sos dos principios fundacionales: Kairós y Ataraxia. Tou va como una seda na Comunidá de The Asturian Sisters cuando, de secute, el so Responsable Internu d’Actividaes, un tal Lleo, da na llocura de creese Leopoldo Alas Clarín, y languidece día tres día creyéndose injustamente escaecíu pola sociedá. Estimoses polos servicios emprestaos pol so R,I.A. (como Ribesella lo taría pola suya), les nueses actrices deciden entama-y un homenaxe que-y devuelva al so ser (o nun ser) y al enfotu nel xéneru humanu. Pero los homenaxes cargar el diañu. Pasen y vean. UNA COMEDIA ACEDA, SOGONA, INTELIXENTE, DIVERTIDÍSIMA, onde los sos protagonistes, transitando pol musical, el cabaré y el vodevil, van vivir un xuegu d’engaños y desengaños nun mundu llenu de falses verdaes y verdaderes mentires. De verdá, nun lo pierdan. De Eladio de Pablo Con Factoría Norte Dirección: Eladio de Pablo Intérpretes: Sheila Montes, Ana Morán, Paula Mata, Chus Serrano y Hugo Mansu Más información 0 FacebookTwitterPinterestEmail Anterior Andén Natahoyo va ser la nueva esposición permanente del Muséu del Ferrocarril siguiente Abrense los plazos d’inscripción pal programa Xixón Branu 2022 Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...