Portada Comunicación Territoriu Sidreru ufre esti domingu en TPA un especial colo meyor de la primer temporada

Territoriu Sidreru ufre esti domingu en TPA un especial colo meyor de la primer temporada

by asturnet

Nel que va ser l’últimu de la primer temporada de Territoriu Sidreru, Inaciu Galán, presentador d’esti programa de TPA, va guianos dende’l chigre “Los espumeros” nel hestóricu barriu de Cimavilla, en Xixón, y en compañía del chigreru Cuqui, per dellos de los momentos más interesantes y divertíos de la primer temporada del programa, percorriendo llagares y chigres y falando con dalgunos de los espertos más contrastaos en cuestiones sidreres.

Nesti últimu especial, que complementa al emitíu la selmana pasada, participa Fernán Gonzali Llechosa, espertu en pallabreru sidreru y collaborador del programa cola sección “La pallabra sidrera”, col que fala Inaciu del so llabor en favor del usu de la llingua propia de la sidra asturiana en tolos ámbitos sidreros, despidiéndose hasta la temporada segunda. Sedrá’l domingu a les 15 hores (16 hores n’A8).

Tamién te podria gustar