Terras Gauda convida a participar na so Bienal Internacional de Cartelismu

La bodega Terras Gauda, que parte 16.000 euros en premios, convida a diseñadores d’Asturies a participar na 15ª edición del Concursu Francisco Mantecón. Javier Mariscal vuelve formar parte del xuráu, nel que tamién va apurrir el so criteriu profesional el director d’Esperimenta Marcelo Ghio.

Nota de prensaEl 28 de febreru remata’l plazu para participar na 15ª Bienal Internacional de Cartelismo Terras Gauda. Concurso Francisco Mantecón, a la que convida a el diseñadores d’Asturies. Los premios xuben a 16.000 € en metálicu y los profesionales van recibir una reconocencia pública, yá que se va entamar una esposición con tolos cartelos mientres más d’un mes na Estación Marítima de Vigo.

Más de 170.000 artistes gráficos, estudios de diseñu, asociaciones y universidaes de 192 países de too el mundu fueron convocaos a tomar parte nel certame, afitáu como una de les grandes cites biañales ente la vanguardia artística internacional.

Javier Mariscal repite como miembru del xuráu énte la trayectoria de la Biañal, la de mayor prestíu promovida por una entidá privada a nivel internacional. Los otros profesionales son Marcelo Ghio, director d’Esperimenta; y Eva Unt y Margus Tammik, del estudiu UntTammik (Estonia), ganadores de la última edición. Tomen el relevu d’Alberto Corazón, Óscar Mariné, Manuel Estrada, Isidro Ferrer, Pep Carrió, Emilio Gil, Roberto Turégano, Cruz Novillo, Pepe Gimeno y Javier Xaén.

El presidente del Grupu Terras Gauda, José María Fonseca Moretón, señala que la “Bienal Internacional de Cartelismo Terras Gauda xune pueblos al traviés del arte, y fomenta la conocencia y reconocencia de la nuesa tierra hasta nel rincón más recóndito del planeta”. Como exemplu, resalta que, dende la 1ª edición en 2002, recibiéronse más de 18.000 cartelos de diseñadores de 100 países. “Llegamos a miles de persones en tol mundu, espertando l’interés de la comunidá creativa internacional pola riqueza cultural, gastronómica y hestórica d’España y de Galicia”.

Na notoriedá llograda pola Bienal foi clave’l respaldu de renombraes asociaciones como AIGA (EEXX), Artnagrada (Rusia), Chartered Society of Designers (Reinu Uníu) o la Association for Design and Advertising de (Suecia); universidaes como la Bauhaus Universitat Weimar, Academy of Art de la Universidá de San Francisco (USA), Osaka (Xapón) y la de Xangai (China), ente otres. Tamién ye destacada l’espardimientu mediáticu nacional ya internacional. Solo na última edición, más de 600 publicaciones.

Los 40 finalistes y premiaos de la Bienal van tener la oportunidá de participar nun segundu certame, creáu en collaboración con Turismu de Galicia pa diseñar la imaxe de promoción de les 11ª y 12ª Xornadas de Portes Abertas das Rutes dos Viños de Galicia. La dotación económica ye de 10.000 €, en dos premios de 5.000 €, pa los orixinales que meyor encaxen col oxetivu del concursu acutáu.

La Autoridade Portuaria de Vigo, la Consellería de Cultura, Educación y Universidade (Xunta de Galicia) y Turismu de Galicia (Xunta de Galicia) son organismos collaboradores de la Biañal.

Más información: Dpto. de Comunicación | Telf.: 981 227 200 | 686 164 413 | 609 830 492
Web: www.franciscomantecon.com | FB: Concursu Internacional Francisco Mantecón | TW: ConcFMantecon | IG: concursomantecon