Termast asoleya una propuesta de vocabulariu del campu educativu

by asturnet | diciembre 20, 2011 8:43 am

[1]

Termast, centru encargáu de la cooridinación xeneral de les xeres terminolóxiques venceyaea a la llingua asturiana y nel que participen, amás de l’Academia de la Llingua Asturiana, el Colexu d’Inxenieros n’Informática del Principáu d’Asturies y el Coleutivu Softastur, acaba d’asoleyar una propuesta léxica nueva, titulada “Terminoloxía educativa”. L’aturo ye’l pedagogu y músicu Rodrigo Fernández Joglar. Trátase d’una escoyeta na que se recueyen los términos más básicos y actuales pa entender el mundu educativu, escolar y pedagóxicu, ente los que s’atopen dalgunos como abusu escolar, doctoráu, entornu virtual de deprendimientu o escolín.

La propuesta súmase a les yá asoleyaes en versión dixital o papel por esta insitución, dedicaes al campu de la xusticia, la física, los unvíos postales, la medicina, les matemátiques y la economía y empresa.

Endnotes:
  1. [Image]: http://asturnews.com/bancofotos/fotos/2/5719.jpg

Source URL: http://asturnews.com/termast-asoleya-una-propuesta-de-vocabulariu-del-campu-educativu/