Telón de Fondo ta de xira estos díes con “El xuegu de Yalta”

10 marzu 09:50 2010 Imprimir

El grupu de teatru Telón de Fondo ta estos díes de xira pelos trés conceyos más poblaos d’Asturies, amosando la so adaptación del cuentu llargu de Chéjov “La dama del perrin”. La mini xira arranca güei, miércoles 10 de marzu, nel Centru Municipal de L’Arena (Xixón), siguiendo’l vienres 12 nel Teatru Filarmónica d’Uviéu y remantando’l sábadu 15 nel Centru Municipal Los Canapés, d’Avilés.

Na obra, Dmitry Gurov y Ana Sergueyevna tán de vacaciones en Yalta, ciudá de veranéu de la Rusia zarista, y lo qu’escomienza como un xuegu, acaba atrapándolos nuna hestoria d’amor adúlteru, a la que nun alcuentren la salida.

La obra ta dirixida por Sara García Rodriguez ya interpretada por Marilú Casas y Lluis Antón González.

  Categories:
Loading Facebook Comments ...