Telón de Fondo lleva “Squash” a Mieres y Villaviciosa

by asturnet | septiembre 19, 2011 8:50 am

[1]

El grupu de teatru Telón de Fondo actuará, los díes 23 y 24 de setiembre, col so útimu montaxe “Squash” en Mieres y Villaviciosa. Nel repartu tán, Marilú Casas, Carmen Suarez y Lluis Antón González, baxo la dirección de Sara García Rodriguez.

El día 23 l’actuación sedrá na Casa la Cultura de Mieres, a les ocho la tarde, muestra de FETEAS en collaboración col ayuntamientu de La Villa de Teodoro Cuesta.

El día 24 sedrá nel Teatru Riera de Villaviciosa, a les ocho la tarde, dientro de les muestres qu’entama Caxastur.

Squash

“Squash” ye una obra d’Ernesto Caballero, que Telón de Fondo retoma pola so candente actualidá. Dos muyeres, Trini y Piedá, s’enfrenten a unes pruebes pa un puestu de trabayu. Una partía imaxinaria de squash, será el desencadenante d’un conflictu ente les protagonistes, nel quel públicu tamién cuenta como parte de la obra. Cercana al reality show, la obra de Caballero. ye una comedia social y disparatada.

Endnotes:
  1. [Image]: http://asturnews.com/bancofotos/fotos/2/5608.jpg

Source URL: http://asturnews.com/telon-de-fondo-lleva-%c2%93squash%c2%94-a-mieres-y-villaviciosa/