Portada Cine Telecinco estrenó la serie ‘Vientos de agua’ con diálogos n’asturiano sotitulaos

Telecinco estrenó la serie ‘Vientos de agua’ con diálogos n’asturiano sotitulaos

by asturnet

La cadena estatal Telecinco estrenó esti martes 3 la serie dirixida pol cineasta arxentinu Juan José Campanella ‘Vientos de agua’, una producción rodada en parte n’Asturies y na que dellos de los sos personaxes aparecen falando na nuestra llingua y con sotítulos en castellano. La serie cuenta una hestoria d’emigrantes d’ida y vuelta.

El primer capítulu de ‘Vientos de agua’ fexo escomenzar la hestoria nun llugar de la cuenca minera asturiana na conflictiva década de los años trenta y onde’l protagonista interpretáu por Ernesto Alterio, vese obligáu a esiliase después de la revolución d’ochobre del 34, garrando’l camín tresatlánticu dica Arxentina. Tanto Alterio como los actores y actrices qu’interpretaben a la xente del so entornu aparecieron na serie falando n’asturiano y con sotitulos en castellano.

La serie de Campanella ta rodada en parte en dellos llugares del vai del Nalón, en Bonos Aires y en Madrid. El primer capítulu amosó l’empiezu de la narración n’Asturies col viaxe forzáu del protagonista; un fíu d’esti emigrante va garrar años después el camín de vuelta dica Europa.

Tamién te podria gustar