Tejedor, El Gumial, El Gaiteru y San Félix componen la delegación asturiana a Lorient

by redacción asturnews | abril 9, 2018 2:53 pm

Les bandes de gaites El Gumial y Villaviciosa-El Gaiteru sedrán esti añu, xunto a José Manuel Tejedor y El Grupu San Félix de Candás la representación asturiana nel XLVIII Festival Intercélticu de Lorient (FIL) que va desenvolvese del 3 al 12 d’agostu.

La novedá d’esti FIL 2018, que ta dedicáu al País de Gales, ye la presencia de la Banda ayerana El Gumial, que viaxa a tierres bretones dende Asturies per primera vegada, ya que los demás miembros de la delegación asturiana, que tien como cabezaleru al gaiteru Iñaki Santianes, ya son veteranos.

La banda El Gumial tará nes 5 Nueches céltiques del FIL y actuará nel Space Marine el día 8 a les 14,30 hores.  La Banda Gaites el Gumial ye una formación creada a principios del añu 2012, col oxetivu d’esparder la música y la cultura tradicional d’Asturies.

Anguaño, la Banda ta compuesta por una ventena de miembros, y ta particularmente comprometida cola formación musical de nuevos músicos na so escuela. Esti postreru ta dirixíu dende’l so entamu por Diego Llobu, acompañáu pola percusión de Oscar Doural. El repertoriu de Banda básase principalmente en temes del folclore tradicional asturianu, mientres se dedica a la recuperación y preservación de la tradición musical asturiana. Tamién incorpora delles temes d’otres árees nel Arcu Atlánticu.

La Banda Gaites Villaviciosa,”El Gaiteru”, ñació oficialmente en 1986, y agora ye parte integral de la formación musical de la escuela de música tradicional Villaviciosa. El gaiteru José Ángel Hevia, natural del conceyu, foi’l so director dende 2001. A lo llargo de los sos 32 años de carrera, la Banda Gaites Villaviciosa tresmitió’l soníu de la música tradicional asturiana en tol Principáu d’Asturies, pero tamién en munches ciudaes d’España, y en países europeos ya inclusive n’América. .

Esta Banda Gaites ye, ente toles Bandes asturianes, la que más participó nel prestixosu Festival Intercélticu de Lorient nos últimos años: atopamos el so nome nes ediciones de 1990, 1991, 1995, 1998, 2000, 2005 y 2012, en collaboración con artistes como la banda pop “Amistaes Peligroses” o inclusive acompañando al gaiteru Hevia.

Ente 1993 y 2007, la Banda la Villa ganó numberosos premios y reconocencies nos concursos y campeonatos de Gaites celebraos en Galicia y Asturies. Tamién publicó dos álbumes: “Badarkablar” en 1993 y “Gaiteros de Maquilán” en 1995. Y en 2016, la Banda Gaites Villaviciosa celebró la so 30 aniversariu col espectáculu “Pueyes”, presentáu con gran ésitu frente al públicu del Festival de Folkomillas de Cantabria y el Festival Internacional de Gaita Villaviciosa.

El gaiteru asturianu José Manuel Tejedor vuelve a Lorient a presentar nel Palais de Congrés el día 6 d’agostu la so última creación titulada “Miraes”. Pala ocasión, dirixe un nuevu grupu formáu en compañía de los sos dos grandes amigos músicos Rubén Bada y Richard García. El so álbum, que consta de melodíes y ritmos del Principáu d’Asturies tradicionales, ta directamente inspirada xuntes y paisaxes que’l tríu xuntu para siempres, según lo confirmao por esta cita de Texedor “Eso ye lo que fala esti discu: la tradiciones, costumes, xente, la mio xente.

A partir de los 9 años d’edá, José Manuel Texedor empezó a tocar la gaita y llegó a algamar per trés vegaes el troféu MacAllan en 1990, 1993 y 1997, ente que’l so hermanu Javier ganó l’en 1994. Cola so hermana Eva y el so hermanu Javier, formen el grupu Tejedor, col que grabaron en 1999 el so primer discu “Texedores de suaños” producíos por Phil Cunningham y acompañaos por músicos de la talla de Michael James MacGoldrick MacIntosh, Kepa Junquera o Igor Medio. Como resultáu d’esta grabación van venir “Llunáticos” en 2003, “Música na maleta” en 2007 y “Positivu” en 2011. Dempués de 10 años de carrera totalmente dedicáu a la música tradicional asturiana y premiáu dos docenes de premios nacionales ya internacionales, Tejedor centrose na composición d’un repertoriu propiu, cola creación de 4 álbumes (1999, 2003, 2006 , 2011).

El Grupu Baille Tradicional San Félix ye una formación musical nacida hai trenta y cinco años, en 1983, en Candás, que yá tuviere también delles vegaes en Lorient y que va participar nes Nueches máxiques amás d’actuar el día 4 nel Space Marine. Anguaño consta de venticinco persones de 12 a 65 años, el grupu cunta con una Escuela de danza tradicional l’oxetivu ye introducir a los neños y adultos a baillar, cantar y la cultura tradicional asturiana.

A lo llargo de la so llarga carrera, la banda interpretó cantares y temes musicales de la tradición en toa Asturies, según en tol mundu, dende la Península Ibérica a Cuba, al traviés d’Hungría, Italia o de nuevu Brittany.

En 2013, El Grupu Baille Tradicional San Félix presentó l’espectáculu “Palabres” en munches ciudaes d’Asturies, onde la música, la lliteratura, la danza tradicional y l’arte audiovisual coesistíen nel mesmu espaciu escénicu a enfatizar tantu’l respetu pola tradición musical como la innovación y la busca d’una nueva audiencia.

Source URL: http://asturnews.com/tejedor-el-gumial-el-gaiteru-y-san-felix-componen-la-delegacion-asturiana-a-lorient/