Teatru Electra protagoniza en Viella una función pa públicu familiar

Teatru Electra protagoniza en Viella una función pa públicu familiar
14 abril 10:08 2018 Imprimir

Teatru Electra protagoniza en Viella una función pa públicu familiar que lleva por títulu “Draculina la Esmorniada. Una comedia monstruosa” que va ser puesta n’escena esti sábadu 14 d’abril, a les 19 hores, nel Centru Sociocultural de la localidá.

Draculina ta a puntu de cumplir 100 años, una edá bien importante na vida d’una vampira, pos se supon que se convierte n’una adolescente a la que tol mundu fai-y casu. Para celebrar el so cumpleaños, apaez el so meyor amigu Franquie, el Desatornelláu, que-y regala una rescamplante tarta vampiríca. Cuando Draculina ta dándo-y un bon mordigañu, produzse la catástrofe… A Draculina cáyense-y los caniles y produzse la debacle. Franquie, énte la desesperación de Draculina, propón-y dir a visitar a Dientefino, la odontóloga más famosa del mundu de les bisarmes. Pero reponer el canil d’una vampiresa nun ye tan fácil. Draculina va tener que vivir una gran aventura pa recuperar les sos vampíricos caniles.

– – – – –

Repartida: Sheila Montes, Carlos Arias y Rosa Ana Muñoz
Escenografía y vestuariu: Teatru Electra
Llume y soníu: Jonás X, Lucía Colunga, Kike Rodríguez
Testu y dirección: Rosa Ana Muñoz
Duración: 45 minutos.

  Categories: