Teatru a Planchar ye’l protagonista de güei na Selmana de Teatru de La Pola Siero

11 xunetu 09:25 2018 Imprimir

Teatru a Planchar ye’l protagonista de güei na Selmana de Teatru de La Pola Siero onde presenta la so obra “Los Perros”, esti miércoles 11 a les 21 hores nel Teatru-Auditoriu, tres un esitosu pasu per Andalucía.

L’Hospiciu qu’hasta güei nos acovecía viense embaxo. Consumiendo na fría escuridá y podrez consigo a los sos internos, pacientes que provecíos suañen col treslláu a un sitiu meyor.  Mientres los escoyíos son llamaos a trespasar la puerta que los lliberar del so encierre, los más acoradaos aguarden la llegada del director del Centru para ser salvaos.

Pero los díes pasen, nun vien naide y nengún sabe cómo percorrer les llongures y estrechos pasiellos que conducen al esterior. Esperar, desesperar… Tien De haber otru camín, otra puerta de salida.

La Pioyosa (María Díaz), El Ciegu (Manuel Olleru “Piñata”) y Expósito (Selu Nieto) son los trés protagonistes del montaxe Los Perros, de la Compañía Teatru a Planchar, que, abandonaos poles sos families, pola sociedá y pola Dirección del Hospiciu onde s’atopen, esperen que daquién venga a lliberar. La obra toca dos de los trés grandes temes universales: la vida y la muerte. L’espectador afaya a unos personaxes que pretenden escapar de cutio d’una realidá a la que tarrecen y zárra-yos nellos mesmos, que nun ye otra que la muerte físico y espiritual, entendida como fin de la hestoria.

Los Perros estrenó’l pasáu mes d’abril nel Teatru La Fundición de Sevilla, espaciu al que volvió’l pasáu mes d’avientu con una bona acoyida de públicu y crítica, ganando’l Premiu Escenariu de Sevilla a Meyor Actor a Manuel Olleru “Piñata”, tres cinco nominaciones a espectáculu, dirección, autor y escenografía.

El miércoles 11 de xunetu a les 21 hores, nel Teatru-Auditoriu de La Pola Siero. Entraes: 7 euros. A la vienta en taquilla, Casa de Cultura de La Pola Siero y na web www.sieroentradas.es

  Categories: