Portada Cine Taylor Steele conduz l’estrenu nacional del documental “Momentum Generation”, na presentación del Salinas SM&F

Taylor Steele conduz l’estrenu nacional del documental “Momentum Generation”, na presentación del Salinas SM&F

by redacción asturnews

Esti sábadu nel Auditoriu de la Casa de Cultura d’Avilés a les 22 hores, Taylor Steele conduz l’estrenu nacional del documental “Momentum Generation”, na presentación del Salinas SM&F.

Tan solo queden hores pa que “Momentum Generation”, el multipremiáu documental que recueye la trayectoria de los llexendarios surfistas que convirtió’l so deporte en fenómenu de dimensión planetaria, estrenese n’Avilés pa toa España. Producíu por Robert Redford, dirixíu por Jeff y Michael Zimbalist, y ganador del postreru premio Emmy al meyor documental de deportes, proxéctase mañana, sábadu 29 de xunu nel Auditoriu de la Casa de Cultura, a les 22 hores.

Va Cuntar con un maestru de ceremonies d’esceición, Taylor Steele, el cineasta californianu que col so documental de 1992 “Momentum” bautizó a ritmu de punk rock ente les foles a toa una xeneración, la mesma que protagoniza trés décades dempués “Momentum Generation”, y contribuyó coles sos filmaciones a moldiar la imaxe icónica del deporte de les tables. Va Ser el preludiu de la fiesta de presentación del Salines Surf Music & Friends, que se va enllargar hasta la madrugada con música en directu, proyecciones, comida y bébora.

Steele participa esta tarde, xuntu cola concejala de Cultura, Yolanda Alonso, nun alcuentru colos medios de comunicación.

Son yá poques les entraes disponibles p’asistir al estrenu de “Momentum Generation”. A un preciu de 3 euros, el mesmu del cine de la Casa de Cultura, pueden adquirise nos calces habituales, les taquilles de la Casa de Cultura, los caxeros de Liberbank, el teléfonu 902 106 601 y la web https://entraes.liberbank.es/palaciovaldes.

Pela so parte, la entrada a la fiesta de presentación del Salinas SM&F, que va siguir na escampada frente a la Casa de Cultura, na plaza d’Álvarez Acebal, va ser llibre y gratuita.

“Momentum Generation” axunta a Kelly Slater, Rob Machado, Shane Dorian, Taylor Knox, Benji Weatherley, Kalani Robb, Ross Williams, Taylor Steele y Pat O’Conell, un grupu de surfistas únicu, que forxaron una fonda amistá non exenta de rivalidá y competitividá, a empiezos de los años 90 del pasáu sieglu.  Una película espectacular, qu’entrepola imaxes d’entós coles actuales, na que rellaten la so hestoria, una trayectoria qu’alzó’l so deporte a dimensiones desconocíes.

Más información

Tamién te podria gustar