Portada Conceyos Tarik Rahim actúa nel Xovellanos

Tarik Rahim actúa nel Xovellanos

by redacción asturnews

El teatru Xovellanos acueye esti miércoles 22 de xunetu a les 20:30 al asturtianu Tarik Rahim, qu’amuesa so raigañu cultural llibanés y brasileñu y entemexlu col asturianu.

Naciendo xuntu al mar n’Asturies, de padres brasileños y güelu llibanés, Tarik ye un músicu de ventidós años con un rexistru musical increíblemente desemeyáu. Esta ye la sensación que nos dexa la so emerxente apaición n’escena. ENCAXA2tarik

Pa él la guitarra de la so casa pasara dafechu desapercibida hasta qu’un día vio al so tíu tocar. “¿Y tu por qué nun toques?”. A los sos tempranos diez años, col impulsu d’aquella senciella entruga, Tarik empieza a construyir el so propiu imaxinariu musical.

De l’asperez del garaxe de la so banda Carisma a la suavidá intimista qu’atopamos nel so nuevu proyectu, Tarik enfusar nun ambiente de ensoñaciones sonores qu’entren en perfecta sintonía colos raigaños que subyacen a la biografía del mozu cantante ya influyíes pol so especial cercanía al mar gracies a la tradición d’acaballar foles heredada pol so padre, un humilde artesanu de tables de surf, que ta siempres presente nel so espíritu.

Asina, el compromisu de Tarik col mar y cola música ye pa tola vida. Magar Carisma foi un proyectu que lu acompañó y, al traviés del cual, espresó una axuntadura infinita de significantes adolescentes, esti empiezu en solitariu déxanos ver la madura necesidá d’abrir una puerta escontra dientro, constituyendo un pasu más na crecedera de la so trayectoria musical y sobremanera; vital.

 

Tamién te podria gustar