Los gallegos de Tanxarina Títeres, que recalen en La Pola dientro del programa d’actos del XIV Festival del Títere y la Palabra (TITERESÍ), van poner n’escena “La pita azul”, Premiu FETEN 2018 a meyor espectáculu de títeres. La cita, el vienres 24 de mayu, a les 19.30 hores, nel Teatru Auditoriu.
Lourenzo tien una pita azul con cinco plumes coloraes na nala derecha. Una pita bien guapa y bien rara ¡que pon güevos de colores! Amás, nun diz «cacaracá» como les otres pites, sinón que diz «cocorocó».
Y esto tien esmolecíes a les autoridaes. La pita azul ye un espectáculu que fala de la diversidá y de la solidaridá. Va destináu a públicu infantil y familiar, y empléguense nél diverses técniques de manipulación de moñecos, trabayu actoral, música y cantares.
– – – – – Elencu: Eduardo Cunha “Tatán” , Miguel Borines y Andrés Giráldez Escenografíes y creación de títeres: Pablo Giráldez “Pastor” y Tanxarina Música: Paco Martínez Barreiro Vestuariu: Carlos Alonso Adaptación y dirección: Cándidu Pazó Testu orixinal: Carlos Casares Técnica: Diverses técniques Duración: 50 minutos
