Tami Neilson, la musa del country, tará na Factoría Sound esti 2020

Tami Neilson, la musa del country, tará na Factoría Sound esti 2020
16 xineru 10:19 2020 Imprimir

Tami Neilson, una de les muses del country, encabeza un Factoría Sound qu’empecipia en 2020 la so cuarta temporada con cinco conciertos ente xineru y marzu que pueden esfrutase con un abonu de 37,50 euros, y que yá se punxeron a la vienta.

Acompáñenla nel empiezu del ciclu los noruegos Pristine, el españoles Dry River y The Electric Alley, y los británicos William The Conqueror. La cita avilesina ye yá parada habitual pa les bandes de xira per Europa y un referente pal públicu nel norte d’España

Factoría Sound empecipia en 2020 el so cuartu añu de vida, convertíu nuna parada habitual pa les meyores bandes y solistes de xira per Europa y puntu d’alcuentru de los aficionaos del norte d’España. Nesti primer ciclu, de xineru a marzu, programa cinco conciertos, encabezaos por una de les muses del country, la canadiense Tami Neilson. Al pie de la cantante afincada en Nueva Zelanda, van llegar al Espaciu Escénicu de la Factoría Cultural los noruegos Pristine, los españoles Dry River y The Electric Alley, y los británicos William The Conqueror.

Podrá esfrutase de los cinco recitales gracies a un abonu de 37,50 euros, disponible hasta’l 24 de xineru. La entrada pa cada unu, a títulu individual, caltien el so preciu de 10 euros en vienta antemanada, y de 12 el día del conciertu. A la vienta dambos nes canales habituales, de forma telemática na web https://entraes.liberbank.es/palaciovaldes, y na taquilla de la Casa de Cultura.

Nacíu en 2017, los amantes del rock, el rythm and blues, el country, el blues o’l soul, la música de raigañu americanu, a última hora, aquellos qu’esfruten cola bona música, van atopar de nuevu un cartelu de luxu, nesti ciclu de conciertos entamaos pola conceyalía de Cultura d’Avilés. Toos van tener llugar a les 21.00 hores.

Ver programación

  Categories: