ConceyosLliteraturaTecnoloxía Convocáu’l II Concursu de Videopoemes POEX 2023 by redacción asturnews 24 de febreru, 2023 De cara a la próxima POEX que se va celebrar dende’l vienres 17 al sábadu 25 de marzu, entámase una nueva edición del Concursu de videopoemes. La convocatoria, abierta hasta’l próximu 28 de febreru a les 12 hores, ta dirixida a tolos públicos de toles partes del mundu. Siguir lleendo 24 de febreru, 2023 0 FacebookTwitterPinterestEmail
SociedáVidios Un país de primera: Asturies celebrase en Xixón by asturnet 9 de xunu, 2015 El Sporting de Xixón remató esta fin de selmana una temporada histórica pa los equipos asturianos nes divisiones profesionales de fútbol. L’ascensu a primer división del Sporting completa l’ascensu del Real Uviéu a Segunda División y devuelve al fútbol asturiano a la primer llínea del deporte más popular nel mundu y qu’económicamente más impactu tien nes ciudaes nes que los sos equipos xueguen nes grandes lligues. La xornada del domingu y d’ayeri enllenaron Xixón d’allegría y de sportinguistes qu’enfundados nes camisetes del club vitorearon a los guah.es nel paséu que realizaron dende Mareo a la plaza del Conceyu. Asturnews sumase al homenaxe que toa Asturies ufre al Sporting con una galería que recoje l’allegría desbordante na ciudá obra de la fotógrafa Beatriz Menéndez González. Beatriz Menéndez ye una fotógrafa uvieina, que’l so trabayu foi espuestu en diversos medios internacionales, destacando les revistes irlandeses The Bohemyth, o Roadside Fiction, según nuna decena de fanzines d’ámbitu local. La so obra centrar nos espacios urbanos y na fotografía de viaxe. 9 de xunu, 2015 0 FacebookTwitterPinterestEmail
MúsicaVidios Cerezal Music esparde per Asturies la presentación de “Camín” by asturnet 26 de mayu, 2015 El grupu asturianu Cerezal Music fai anuncia de 3 presentaciones en formatu acústicu del só nuevu discu Camín pa despedir la primavera y dar la bienvenía al branu. Nelles, xuniráse música, pintura y lambiente de chigre. En andecha col artista plásticu Miguel González Díaz (Cualloto, 1978), idearon un orixinal formatu de direuto, nel que ambos llinguaxes, el musical y el pictóricu, manifiéstense y comuníquense en tiempu real. El resultáo ye, más allá dun conciertu, una experiencia sensorial pa lespectador. Prometen que caún de los conciertos va ser únicu y dixebrao del restu, cola elaboración de nueves obres pictóriques y dixebráes igües musicales de la banda. Pa les presentaciones, elixieron llugares emblemáticos de la música en direuto, entamando el prósimu 30 de mayu nel Sabil (Santu Adriano), nel entorno de la Senda lOsu, pa acercase dempués a Uviéu (5 de xunu, LEsperteyu) y Xixón (27 de xunu, La Vida Alegre). La entrada a tolos conciertos ye de baldre. Camín, galardonáu na última edición de los Premios AMAS como meyor discu folk de lañu, lleva dientro 12 cortes y ún Bonus track, principalmente composiciones del grupu y también igües de temas de la tradición oral dAsturies. Folk, pop, jazz y rock mécense nel soníu desta banda, questi branu va tar en cartelos emblemáticos a nivel internacional, como la Foguera de San Xuan en Poniente o el Festival Intercélticu de Lorient, na Bretaña francesa. 26 de mayu, 2015 0 FacebookTwitterPinterestEmail
PolíticaVidios Si yo viviera n’Asturies… by asturnet 19 de mayu, 2015 IX vieno acabante de llanzar una campaña de sofitu a so candidatu nes redes sociales con xente pernomao sofitando a Llamazares como Mendicutti, Barden, Martínez, Margallo, Aranguren, Ana, Gorriz y Miguel Ríos. Si yo viviera n’Asturies votaría a Llamazares ye’l títulu d’un pequenu video nel que piden el votu pal candidatu d’IX a la presidencia d’Asturies escritores, actores, múiscos y cantantes. Si yo viviera n’Asturies votaría a Llamazares ye’l nuevu vídeu qu’IX Asturies acaba de colgar na so web, facebook y twiter. L’escritor Eduardo Mendicutti, el director de teatru Juan Margallo, les actrices Petra Martinez y Pilar Barden; la periodista Teresa Aranguren, el poeta Marcos Ana, el sindicalista Ramón Gorriz y el músicu Miguel Ríos grabaron un pequenu spot pa esplicar el so sofitu a Gaspar Llamazares y pidir el votu a los asturianos pal candidatu d’IX a la presidencia d’Asturies. Toos estos actores, escritores y músicos residentes fora d’Asturies, protagonicen esti video electoral en que destaquen los valores del candidatu. El músicu Miguel Ríos fala de la suerte de los asturianos por tener un candidatu como Gaspar Llamazares. Ente tolos políticos de la última década, asegura’l músicu, yes unu de los políticos que caltuvo’l pabellón de la dignidá, la decencia, la política y l’honestidá. Ríos remata la so intervención deseyando que los asturianos, tierra onde trabayó en numberoses ocasiones, aprecien el talentu del candidatu d’IX. 19 de mayu, 2015 0 FacebookTwitterPinterestEmail
EscéniquesVidios Borja Roces estrena con Factoría del Norte ‘Romeríes Varietés’ el 16 de mayu en L’Entregu by asturnet 8 de mayu, 2015 L’actor y director Borja Roces presentó esti xueves en Sotrondiu l’espectáculu Romeríes Varietés, qu’al traviés de la compañía Factoría del Norte estrenará’l próximu 16 de mayu nel Teatru Municipal de LEntregu. Roces, natural de Sotrondiu y residente en Madrid, define a esta obra como un espectáculu de teatru musical, con temes pícares, descaraos, murnios Podría dicise tamién que se trata d’un show de variedaes nel que se dan cita les previsibles escenes de tonu llixeru y cómicu o los risonderos númberu de la nuesa revista musical más allocada o inclusive una suerte de fiesta na que se dan cita dellos elementos del folclore y la cultura popular. El mensaxe qu’atopamos no fondero d’esta allocada puesta n’escena ye la farsa na que se vive na sociedá. En Romeríes Varietés reivindiquen “el poder de la ficción, de lo non real, de lo imaxinao, porque de xuru ésa ye l’arma que precisamos pa poder aguantar nesto que llamamos vida, repostia. Roces asítiase al mandu de la dirección y la dramaturxa del espectáculu, a instancies de Factoría del Norte, y cuenta con Ana Morán y Chus Serrano, como intérpretes. La obra estrenase en L’Entregu y darréu va percorrer el panorama nacional al traviés de festivales, feries y ciclos de teatru. 8 de mayu, 2015 0 FacebookTwitterPinterestEmail
SociedáVidios Iniciativa pol Asturianu anima a la sociedá a participar na Manifestación pola Oficialidá by asturnet 7 de mayu, 2015 Iniciativa pol Asturianu anima a la sociedá a participar na Manifestación pola Oficialidá nuna nota de prensa asoleyada esti día, na que fai alcordanza de la cercanía de les elecciones, que “fai especialmente importante que la sociedá asturiana faiga un llamáu a los partíos, pidiéndo-yos un mayor compromisu cola llingua asturiana”. Por mor d’ello vienres 8 de mayu la sociedá asturiana vuelve a salir a la cai por mor d’ello llama reclamar la oficialidá del asturianu nesi manifestamientu. Dende Iniciativa pol Asturianu vuelven a sofitar un añu más esta manifestación, participando de la marcha con más razón nesti añu nel que “la cercanía de les elecciones fai especialmente importante la convocatoria, yá que ye necesario dexar nidio a los partíos políticos la necesidá dactuar yá sobre la situación de perda idiomática y falta de drechos civiles que vivimos nAsturies”. La Manifestación pola Oficialidá va salir a les 19:30 hores de la Estación del Norte d’Uviéu y Iniciativa alienda “a toles persones enfotaes nel futuru del idioma a participar con nós nesti actu festivu y reivindicativu que llenará les cais de la capital asturiana”. Iniciativa pol Asturianu quier facer un llamáu a la sociedá pa participar nesta reivindicación y va facelo con un repartu de nuevos materiales promocionales, incluyendo folletos y chapes reivindicatives. Iniciativa pol Asturianu ye una organización que ñació pa implicar a tola sociedá asturiana nel procesu de recuperación y normalización del asturianu, y polo tanto camienta imprescindible que la sociedá simplique y faiga oyer la so voz, que ye mayoritariamente favoratible a que lasturianu se convierta nuna llingua normal, que pueda usase en tolos ámbitos y que tenga garantizául so futuru, lo que solo ye posible si esta llingua ye oficial. Nel comunicáu asoleyáu est día, Iniciativa pol Asturianu recuerda que “dempués de la manifestación va celebrase nel Teatru Campoamor la Xunta Estraordinaria de lAcademia de la Llingua Asturiana y que la entrada ye llibre y de baldre. Animamos a la xente a participar d’esti actu de sofitu a la institución y aprovechamos pa felicitar a la Xunta pola Defensa de la Llingua Asturiana, organización que convoca la manifestación, questi añu cumple 30 años dactividá”. 7 de mayu, 2015 0 FacebookTwitterPinterestEmail
LliteraturaVidios Xurde Álvarez espubliza n’amazón “Lo escrito nel silenciu” by asturnet 9 d'abril, 2015 Xurde Álvarez vieno acabante d’espublizar n’amazón “Lo escrito nel silenciu”, un llibru, escritu en diez años, que cuenta una hestoria d’amor dende’l so aniciu hasta la so resolución final y que va vendiese namái que n’Amazón donando tolos benficios íntegros del so mercar al Bancu d’Alimentos d’Asturies.Esti llibru presentase agora al traviés de dellos videopoemes en YouTube, nun formatu enforma novedosu. Esti ye’l caberu trabayu del autor salmerón, dende que nel 2014, edítase la novela “Si’l temblor niega’l fríu”, que cunta la vida de dos enfermeres nun hospital siquiátricu de l’Alemania nazi. Xurde Álvarez vieon faciendo nesti caberu mes un trabayu de marketing viral nel que va presentando’l llibru “Lo escrito nel silenciu” a traviés d’estos videopoemes y de comunicación informal al tiempu que fai un apueste nidiu por Amazón como mediu de desenvolvimientu comercial. El llibru llanzáu nel final de febreru tará solo Amazon en formatu ellectrónicu y papel, tanto n’asturianu como la so torna al castellán. Y como desplica’l mesmu autor, “fáise asina pues LOS BENEFICIOS ÍNTEGROS DURANTE UN AÑU DE LES VENTES DIRÁN A PARAR AL BANCU D’ALIMENTOS D’ASTURIES, nun enfotu de collaborar con ellos, a la que t’animo a participar tamién donándo-yos alimentos (http://www.bancaliasturias.org/)”. El llibru ta escritu en diez años y cuenta una hestoria d’amor dende’l so aniciu hasta la so resolución final. Xurde Álvarez entama la so carrera como escritor nel añu 1.999, col asoleyamientu d’un poemariu de caráuter social tituláu “La sema”. Nel 2004, publica “No fondero de l’alcordanza de Dios”, novela social na que s’espeya la dura y escarniada superviviencia d’una familia a lo llargo de los nueve meses que duraría la güelga que va dende Payares de 1.932 fasta Agostu de 1.933. Y esi mismu añu, algama con “Les llames del to llar antiguu” el premiu de testos teatrales de l’Academia de la Llingua Asturiana.En 2008, espublizaría la lluz “Tierra d’esperanza”, poemariu que continúa la filosofía de “La sema” y nel 2009, “La caída” primer poemariu non-social del autor. 9 d'abril, 2015 0 FacebookTwitterPinterestEmail
Vidios Uviéu acoyó una mesa redonda embaxo’l títulu “¿Qué pasa cola llingua?” by asturnet 3 de xunu, 2013 Un mesa redonda titulada “¿Qué pasa cola llingua?” y convocada pol Atenéu Llibertariu d’Uviéu celebróse’l vienres 24 mayu en Ciudá Naranco y cuntó cola participación d’Inaciu Galán (presidente d’Iniciativa pol Asturianu), Iris Díaz (Reciella — families pol asturianu), Dolfu Camilo Díaz (escritor y xestor cultural), y Miguel Rodríguez (Trafego). Na mesma aldericóse alredor del pasáu, presente y futuru de la reivindicación llingüística. Ufrimos agora’l videu. 3 de xunu, 2013 0 FacebookTwitterPinterestEmail
Vidios Dos sovenciones paudivisuales nasturianu by asturnet 13 d'agostu, 2012 El BOPA asoleyól resultáu de les sovecniones a obres audiovisuales nasturianu. Ende sur, de la productora De la piedra producciones y documental sobre la hestoria del selmanariu Les Noticies fechu por Ámbitu Ediciones llévaronse la partida presupuestaria de dalgo más de 12.000 euros. Información completa nel BOPA 13 d'agostu, 2012 0 FacebookTwitterPinterestEmail
Vidios Juan Echanove pide disulpes por rise del asturianu con un chiste by asturnet 7 d'avientu, 2010 Los actores Imanol Arias y Juan Echanove presentaron un programa dedicáu a dar a conocer Asturies, a mou de documental informal, en TVE. Ocurría va selmanes y nesi programa Juan Echanove cuntó un chiste conocíu polos asturianos y que traxo bien de discusiones pol so usu pa ridiculizar a la llingua asturiana por personaxes como Federico Jimenez Losantos. Agora Echavone, y énte les protestes d’asturianos, pide perdón nun vidiu. 7 d'avientu, 2010 0 FacebookTwitterPinterestEmail