Cine Un trailer d’El Hobbit pa conmemorar 40 años ensin Tolkien by asturnet 2 de setiembre, 2013 Un día como esti hai cuarenta años finaba J.R. Tolkien, autor de El Hobbit y El Señor de Los Anillos y creador d’un universiu propiu de reminiscencies céltiques que vien siendo una referencia xeneración tres xeneración de la lliteratura y agora del cien fantásticu. Y coincidiendo con esta fecha tan señalá pa tolos fans de la Tierra Media, vieno acabante llanzase un nuevu trailer de la segunda parte d’El Hobbit: La desolación de Smaug, la segunda entrega de la nueva triloxía basada en la obra de Tolkien que, una vez más, dirixe Peter Jackson. Les imáxenes, que pouen vese en You Tube, son cortesía de TheOneRing.net y nelles podemos ver a vieyos conocíos de la primer película como Bilbo (Martin Freeman), Gandalf (Sir Ian McKellen), Thorin Escudo de Roble (Richard Armitage) o Légolas (Orlando Bloom), el príncipe elfu al que ya viéramos na Triloxía de Aniellu. La película ya finó de rodase y ta previsto que s’estrene nes grandes pantalles nel mes d’Avientu. 2 de setiembre, 2013 0 FacebookTwitterPinterestEmail
Cine El llunes 26 entama otra edición de “!Peor Imposible!” en Xixón by asturnet 22 d'agostu, 2013 La nueva edición del ciclu “!Peor… ¡Imposible!'” que va desenvolvese dende’l llunes que vien hasta finar agostu nel Centru Cultural Antiguu Institutu de Xixón, va recoyer más d’una ventena de películes y delles meses redondes y presentaciones que busquen defender el cine de serie B y qu’esti añu recueyen enfrentamientos ente héroes como Godzilla, Bruce Lee, Superman y delloos otros. El festival recueye dende 1999 una programación de películes de presupuestos baxos, homenaxeando a los directores y actores más infravaloraos del panorama cinematográficu. El ciclu ‘Peor… ¡Imposible!’ ye un referente n’Asturies, algamando en 2012 los 4.000 espectadores, cifra que se quier superar nesta nueva edición presentada esta selmana polos sos responsables y Carlos Rubiera, conceyal de Cultura de Xixón. Dientro la programación destaquen esti añu películes como “Bruce Lee contra los halcones negros’, ‘Bolt, axente truenu’ o ‘Serie B’, un homenaxe al cine B de los años 70 dirixíu por Richard Vogue, que estará presente en la proyección. 22 d'agostu, 2013 0 FacebookTwitterPinterestEmail
Cine IX Festival de curtiumetraxes en Ribedeva by asturnet 20 d'agostu, 2013 EL IX Festival nacional de curtiumetraxes al campu REC («Ribedeva en curtiu») empieza les proyecciones güei, nos xardinos del Archivu d’Indianos, en Colombres. Les proyecciones van siguir hasta’l xueves d’esta selmana. 20 d'agostu, 2013 0 FacebookTwitterPinterestEmail
Cine El XIX Festival de Cine na Cai entama en Les Arriondes by asturnet 20 d'agostu, 2013 La plaza García Dory de Les Arriondes ye see mientres estos díes del XIX Festival de cine na cai, qu’entama’l cineclub de la capital parraguesa y l’asociación multicultural «Llar de Sones», col patrociniu del Conceyu. La entrada ye gratuita. Güei proxéctase’l filme «Los vengadores», y mañana, «Intocable». Hai proyección toles nueches, a les 22.00 hores, hasta’l vienres 23, cuando se va emitir el llargumetraxe «La vida de Brian». 20 d'agostu, 2013 0 FacebookTwitterPinterestEmail
Cine Abierta la convocatoria del concursu curtiumetraxes del Festival Internacional de Cine de Xixón pala sección Día d’Asturies by asturnet 16 d'agostu, 2013 La organización del Festival Internacional de Cine de Xixón (FICX) abría esta selmana la convocatoria pa presentar curtiumetraxes a la sección ‘Día d’Asturies’ de la 51ª edición del certame, que va celebrase del 15 al 23 de payares de 2013. L’oxetivu cimeru ye’l de potenciar la carrera de nuevos directores y productores asturianos y, pa ello, gracies al patrociniu de la Televisión del Principáu d’Asturies (TPA), el Festival Internacional de Cine de Xixón otorgará un premiu en metálicu de 4.000 euros y un diploma al ganador delconcursu. Van poer participar nel concursu les obres audiovisuales de temática y xéneru llibres, realizaes demientres l’añu 2013, que cunten una duración máxima de 30 minutos. Pa la selección apurrirase la obra en formatu DVD, o presentarase online al traviés de la plataforma Feshtome, antes del 7 d’ochobre de 2013. 16 d'agostu, 2013 0 FacebookTwitterPinterestEmail
Cine La cuota de pantalla del cine español medra al 20% en 2012 by asturnet 30 de xunetu, 2013 La cuota de pantalla del cine español algamó en 2012 el 19,5 % frente al 15,6 % del añu anterior gracies al impulsu de películes como ‘Lo imposible’ de Juan Antonio Bayona o ‘Les aventures de Tadeo Jones’, según datos espublizaos güei pol Institutu de Cinematografía y Artes Visuales (ICAA). La cinta de Bayona, una producción d’Apaches Entertainment, Telecinco y Canal+ España, foi la película que más recaldó l’añu pasáu (41 millones d’euros), siguida de la segunda entrega de la saga de Tapecer, ‘Amanecer’ (21,8 millones). Les sales de cine españoles acoyeron en total a 94,1 millones d’espectadores de los que 18,2 millones allegaronse a ver producciones nacionales, un 17,7 % más qu’en 2011. Anque la recaldación total sumó 614,2 millones d’euros, lo que supon un descensu del 3,3 % con respectu al añu anterior, les películes españoles consiguieron 119,8 millones d’euros, un 21,7 % más, según los datos oficiales. Por detrás de ‘Lo imposible’ y ‘Amanecer’, les películes más vistes fueron la cinta d’animación d’Enrique Gatu ‘Les aventures de Tadeo Jones’, que recaldó 18 millones d’euros, ‘El Hobbit: Un viaxe inesperáu’ que llogró 16,8 millones y la francesa Intocable’, con 16,5 millones. Ente les venticinco más vistes entá hai otra producción española y trátase de ‘Tengo ganas de ti’, de Fernando González Molina, basada na novela de Federico Moccia, que llogró 12,1 millones d’euros. 30 de xunetu, 2013 0 FacebookTwitterPinterestEmail
Cine El doblaxe al asturianu de Charada va estrenase en Cangas del Narcea by asturnet 25 de xunetu, 2013 El 7 dagostu viniente, en dientro les actividaes de la UABRA (Universidá Asturiana de Branu) quentama lAcademia de la Llingua, va estrenasel doblaxe de Gonzali producciones del clásicu cinematográficu Charada. La proyección fadráse nel Teatru Toreno de Cangas del Narcea, a partir de les 22:30 hores. Nueu doblaxe asturianu dun llargumetraxe a cargu de Gonzali Producciones, esta vegada trátase de Charade (Stanly Donen, 1963). Charada como sentitula nasturianu va presentase na Universidá Asturiana de Branu quentama lAcademia de la Llingua Asturiana, en Cangas del Narceal 7 dagostu. CHARADA (Charade nel so títulu orixinal) ye una película del añu 1963 y 113 minutos de duración, dirixida por Stanley Donen, que protagonicen Cary Grant y Audrey Hepburn. Tamién actúen nella los actores Walter Matthau, James Coburn, George Kennedy, Dominique Minot, Ned Glass y Jacques Marin. La banda sonora y música de créditos son de Henry Mancini y los títulos animaos de Maurice Binder. 25 de xunetu, 2013 0 FacebookTwitterPinterestEmail
Cine “Piquinu” llega al Muséu del Pueblu d’Asturies col ciclu “Cine en ‘A” by asturnet 12 de xunu, 2013 El próximu xueves 13 de xunu a les 19:00h nel Muséu del Pueblu d’Asturies, en Xixón, va proyectase’l curtiometraxe “Piquinu”, enmarcáu na IV edición del ciclu CINE EN ‘A. “Piquinu” ye un curtiumetraxe n’asturianu de 11 min que tien como protagonista a Aarón, un rapaz del conceyu de Ḷḷena al qu’acompañen los sos perros per ún de los meyores paisaxes d’Asturies. La vida cotidiana d’esti mozu nun sieglu XXI alloriáu refléxase nun viaxe interior que xube dende’l pueblu de Rospaso hasta’l Macizu d’Ubina. 12 de xunu, 2013 0 FacebookTwitterPinterestEmail
Cine La Semiente proyecta’l documental “Guerrilero Quintana” by asturnet 14 de mayu, 2013 Esti miércoles 15 de mayu a les 20:00h nel Centru Social Autoxestionáu La Semiente, en L’Entregu, va proyectase de la mano del so autor el documental “Guerrillero Quintana” de Luis Felipe Capellín. “Guerrillero Quintana” retrata una parte de la Memoria Hestórica y Antifascista asturiana al traviés d’Adolfo Quintana Castañón, más conocíu como “Quintana”, unu de los guerrilleros antifranquistes asturianos más nomaos. 14 de mayu, 2013 0 FacebookTwitterPinterestEmail
Cine El tercer home llega a Corvera dientro de la Folixa del Llibru by asturnet 23 d'abril, 2013 El xueves 25 dabril va proyectase El tercer home en Corvera, dientro de los actos de la Folixa del Llibru. El pase emprimará a les 20 hores nel Centru Sociocultural de Les Vegues. Más información sobrel doblaxe asturianu desta película nel blogue El tercer home. Más información sobre’l doblaxe 23 d'abril, 2013 0 FacebookTwitterPinterestEmail