Cine El FIC presenta’l xueves una programación de reconocida calidá by asturnet 6 de payares, 2013 El Festival de Cine de Xixón consigue axuntar en dos de les sos secciones, Rellumes y Llendes, títulos de reconocida calidá y apuestes de riesgu nel ámbitu cinematográficu, dos vertientes que completen y vertebren la ufierta del FICX. Con Rellumes, el FICX presenta un total de 11 títulos con destacaos elementos a nivel cinematográficu onde s’entemecen talentos consagraos como Jiri Menzel (Oscar a la meyor película estranxera) presentando’l so últimu trabayu The Don Juans; y mozos realizadores como Jan Ole Gerster que presenta Oh, Boy, un trabayu pol que yá recibió 19 premios y 10 nominaciones en festivales internacionales, daqué que dexa claro’l talentu d’esti debutante en llargumetraxes de ficción. La selección toma tou tipu de filmografíes, dende les más cercanes y conocíes como Alemaña, Estaos Xuníos o Francia hasta otres muncho más exótiques y estrañes pal públicu xeneral como son la filipina o la coreana. Toles películes qu’integren Rellumes pueden consultase nel siguiente enllaz: http://www.gijonfilmfestival.com/page/12707-rellumes Llindes ye otra sección que preséntase como una selección d’apuestes ventureres que busquen la llende, reponiendo la identidá que tenía la sección orixinalmente: ye’l pasu a un cine qu’amplía les fronteres del espectador. La sección qu’enantes se conocía como Llendes presenta un total de 7 llargumetraxes, na que s’inclúi la producción gallega El murniu golor de la carne, una película rodada nun solu planu secuencia, obra del chilenu Cristóbal Arteaga y financiada gracies al crowdfunding. Tamién va formar parte de la selección un llargumetraxe como La Piscina del realizador cubanu Carlos Machado Quintela, un trabayu que narra l’entrenamientu de cuatro discapacitaos cubanos y que participó na Sección Panorama del últimu Festival de Berlín. La cinta preséntase agora en Llendes tres la so reconocencia internacional n’otros festivales como L’Habana o Miami. Toles películes qu’integren Llindes pueden consultase nel siguiente enllaz: http://www.gijonfilmfestival.com/page/12707-rellumes El Festival Internacional de Cine de Xixón ta entamáu pol Teatru Xovellanos, patrocináu pol Gobiernu del Principáu d’Asturies, l’Institutu de les Ciencies y les Artes Audiovisuales del Ministeriu d’Educación, Cultura y Deporte, el Programa Media de la Unión Europea y Liberbank-Cajastur. Collabora Coca Cola. 6 de payares, 2013 0 FacebookTwitterPinterestEmail
Cine Un ciclu sobre’l cine de Michael Haneke abre los actos venceyaos a los Premios Príncipe by asturnet 17 d'ochobre, 2013 Un ciclu de cine dedicáu al director Michael Haneke, Premio Príncipe d’Asturies de les Artes 2013, va abrir mañana los actos venceyaos a los Premios Príncipe d’Asturies d’anguaño, según informa la Universidá d’Uviéu.Once proyecciones en sesiones dobles n’Uviéu, Xixón y Avilés van percorrer la filmografía completa del cineasta distinguíu col galardón de les Artes por aciu una iniciativa entamada pola Fundación Príncipe d’Asturies en collaboración cola institución académica del Principáu. El Cinefórum empieza con “El tiempu del llobu” y “El vídeu de Benny”, nel Centru Cultural d’Estensión Universitaria LAUDEO (Aula Severu Ochoa), a les 19:00 y a les 21:30 hores. A estes mesmes hores, nel Centru Pumarín Xixón Sur proxectaránse Códigu Desconocíu” y “La pianista”, ente que nel Centru Niemeyer d’Avilés, “Funny games” y “El Castiellu”. Toles sesiones, ente’l 14 y el 22 d’ochobre, van ser d’accesu llibre hasta completar aforu. Amás, el públicu comenenciudu va poder escuchar la interpretación en directu d’obres de Juan Sebastian Bach y Frank Schubert presentes nes bandes sonores de les películes “Amor” y “La pianista”. Va Ser nel Teatru Filarmónica, antes de les proyecciones, el 15 y 16 d’ochobre, a les 20:00 hores. 17 d'ochobre, 2013 0 FacebookTwitterPinterestEmail
Cine El primer llargumetraxe transmedia ya interactivu tendrá so estrenu mundial en Xixón by asturnet 10 d'ochobre, 2013 El primer llargumetraxe transmedia ya interactivu simultáneamente, “Panzer chocolate”, va tener el so estrenu mundial nel marcu de la 51ª edición del Festival de Cine de Xixón, nun eventu que va tener llugar el próximu 22 de noviembre nuna sesión especial a les 22:30h nel Teatru Xovellanos. Empobinada y escrita por Robert Figueres y producida por Silenciu Rodamos al traviés de capital priváu (con un presupuestu de 1,5 millones d’euros), la película encuadrar nun proyectu únicu nel que’l llargumetraxe complementar con un videoxuegu pa iOS y Android, una novela gráfica, interactividad por móvil y un doble final. El gran apueste ye’l grau d’interacción al traviés del teléfonu móvil que xune al espectador y la película d’una manera nunca antes amosada: antes, demientres ya inclusive una vegada rematada la proyección. Gracies a una aplicación instalada nel móvil por aciu un códigu QR, l’espectador non yá va poder interactuar colos protagonistes mientres la proyección sinón qu’una vegada rematada va tener la posibilidá d’escoyer un final alternativu al narráu al traviés d’un videoxuegu. Panzer chocolate ye un proyectu independiente y revolucionariu qu’amiesta a la perfección col espíritu del FICX. Narra la hestoria d’un grupu de mozos que s’enfusen nun bunker de la Segunda Guerra Mundial en busca de muertos nazis pero’l llugar, aparentemente abandonáu, va revelase como una trampa mortal. 10 d'ochobre, 2013 0 FacebookTwitterPinterestEmail
Cine L’Atenéu Llibertariu entama un ciclu de cine sobre la crisis by asturnet 1 d'ochobre, 2013 L’Atenéu Llibertariu d’Uviéu pon en marcha esti martes el so cinefórum, que va presentar selmanalmente películes sobre la tema “Crisis y movimientos sociales”. A lo llargo de tolos martes del mes d’Ochobre van a proyeutase películes y documentales alrodiu distintos movimientos, asina como les causes que los xeneraron. Posteriormente habrá un alderique nel que se pondrán en comuña les distintes reflexones y analizaranse les sos aportaciones a la llucha pola emancipación obrera. Esti martes el ciclu entama cola proyeición “La Plaza. La xestación del movimientu 15-M”, un documental alrodiu d’esti movimientu creáu recién, y que nel alderique posterior va a cuntar con integrantes del mesmu. L’actividá ye na Biblioteca d’El Fontán (Uviéu), de magar les 19 hores. 1 d'ochobre, 2013 0 FacebookTwitterPinterestEmail
Cine La Fundación Nuberu y lAyuntamientu de Llangréu organicen otra vuelta les xornaes culturales De Castilletes y Carbón by asturnet 1 d'ochobre, 2013 Per cuartu añu consecutivu, la Fundación Nuberu y lAyuntamientu de Llangréu organicen les xornaes culturales De Castilletes y carbón. Trátase de la cuarta edición duna actividad de dinamización cultural questes dos entidaes ponen en marcha como consecuencia del conveniu de collaboración firmáu ente elles. Estes xornaes culturales, De Castilletes y carbón, xiren alredor de les interrellaciones ente cine, mina, música, lliteratura, economía, gastronomía y sarticulen nun ciclu de películes, Baxando a la Galería, que va echase los miércoles del mes dochobre nel Cine Felgueroso de Sama, una serie de ponencies sobre estos temes, Los Xueves de Castilletes y Carbón, que van ponese los xueves del mes de payares na Casa los Alberti, y, como remate, un conciertu del grupu Nuberul en La Pola Llavianal día de Santa Bárbara. Esti conciertu tuvo llugar va dos años nel Nuevu Teatru La Felguera y lañu pasáu nel Teatru de LEntregu, la idea ye da-y movilidá per tol Vallel Nalón manteniendol Centru de Referencia de la Cultura y la Llingua Asturiana Casa de los Alberti y el Cine Felgueroso como centros principales de lactividá cultural. Cine nel Felgueroso/p> La programación que va desendolcase nel Cine Felgueroso de Sama va facese cola programación que vien darréu: dochobre, 20:00 hores Tocando el viento (1997) Dirixida por Mark Herman y protagonizada por Ewan McGregor, Tara Fitzgerald, Pete Postlethwaite, Jim Carter, Stephen Tompkinson. Nel gobiernu de Margaret Thatcher, la mina carbón dun pueblu del norte dInglaterra ta pa cerrar. La banda música de los mineros, toa una institución con más dun sieglu historia, tamién cuerrel peligru de desapaecer. Pese a ello, Danny, el líder de la banda, consigue afalar a los sos compañeros pa siguir compitiendo nel concursu nacional. 9 dochobre, 20:00 hores La sal de la Tierra (1954) Dirixida por Herbert J. Biberman y protagonizada por Juan Chacón, Will Geer, Rosaura Revueltas, Mervin Williams, Frank Talavera. La güelga que protagonizaron unos mineros de Nuevo México supunxo una dura y amarga batalla, pero contaron en tou momentu col apoyu de les sos muyeres. Discutíu melodrama semidocumental nel quintervienen personaxes reales, pero que tuvo quencarar munchos problemes demientres y dempués del rodaxe: el director, el productor, el guionista, el compositor y lactor Will Geer figuraben entós na “llista negra” del Comité dActividaes Antiamericanes del senador McCarthy. Hoi, en cambiu, ye una de les poques películes que se conserven na Biblioteca del Congresu de los Estaos Xuníos pol so valor históricu y cultural. 16 dochobre, 20:00 hores Las aguas bajan negras (1948) Dirixida por José Luis Sáenz de Heredia y protagonizada por Charito Granados, Adriano Rimoldi, Mary Delgado, José María Lado. Trescurre na 1er Guerra Carlista nAsturies, nun llugar onde esiste una mina de carbón. Beatriz, la fía dun coronel isabelín casa en secretu con un capitán carlista. Ello va enfrentala al pá y tamién al so maríu nuna aventura dramática. Plantégasel dilema ente lAsturies tradicional del campu y la de la minería. 23 dochobre, 20:00 hores Subterra (2003) Dirixida por Marcelo Ferrari, protagonizada por Francisco Reyes y Paulina Gálvez. La historia trescurre nel pueblu chilenu de Lota, 1897. No más fondo del Chiflón del Diablo, la mina carbón más grande del mundu, una gran rebelión se xesta nel corazón dun home. Mientres, laristocrática familia Cousiño Goyenechea sueña cola llegada del del progresu, los mineros del carbón lluchen por imponese a les sos condiciones de trabayu indignes. 30 dochobre, 20:00 hores En tierra de hombres (2005) Dirixida por Niki Caro y protagonizada por Charlize Theron, Frances McDormand, Sissy Spacek, Woody Harrelson, Sean Bean. Josey Aimes (Charlize Theron), una madre soltera, regresa al so pueblu natal nel norte de Minnesota y, pa salir alantre, busca trabayu nes mines de fierru. Nun simaxina a qué clase dhumildaciones tán sometíes les muyeres nel trabayu. 1 d'ochobre, 2013 0 FacebookTwitterPinterestEmail
Cine Avientu estrenará la segunda parte de The Hobbit by asturnet 1 d'ochobre, 2013 “El Hobbit: L’Ablayamientu de Smaug va llegar a los cines de too el mundu’l 13 d’avientu d’esti 2013. Un añu más tarde el 17 d’avientu de 2014, va estrenase “El Hobbit: Partida y regresu”, la cinta que va poner puntu y final a la nueva triloxía de Peter Jackson. Y como prolegómenu vieno acabante estrenase na rede un nuevu trailer que s’axunta al que ya ufrieran pa celebrar el 40 aniversariu de la muerte de Tolkien hai un mes. Naquel trailer ufríennos imáxenes nes que víamos a vieyos conocíos de la primer película como Bilbo (Martin Freeman), Gandalf (Sir Ian McKellen), Thorin Escudo de Roble (Richard Armitage) o Légolas (Orlando Bloom), el príncipe elfu al que ya viéramos na Triloxía del Aniellu. Y esta vegada los protagonistes tornen otra vuelta xunta vieyos conocíos como Ella L’Araña y el nuevu protagonista del filme que s’estrena n’Uviéu, el Dragón Smaug. 1 d'ochobre, 2013 0 FacebookTwitterPinterestEmail
Cine La recaldación de les sales de cine baxa un 13,5 per cientu y casi un 20 nel casu del cine español by asturnet 30 de setiembre, 2013 El Festival de marcu del Festival de Cine de San Sebastián sirvió otru añu pa que la Confederación de Productores Audiovisuales Españoles (FAPAE) presentara la memoria correspondiente al últimu añu cinematográficu que pon a les clares el mal momentu qu’atraviesa el cine español. Na rueda de prensa onde se presentaba l’informe comparecieron el presidente de FAPAE, Joxé Portela, acompañáu del presidente de l’Asociación Estatal de Cine (AEC), José Antonio Félez, y del presidente de RTVE, Leopoldo González-Echenique, y del director de TVE, Ignacio Corrolades. Tocantes a la situación del cine español, el presidente de AEC fixo públicos datos de la taquilla n’España, facilitaos por Rentrak, según los cualos a fecha 22 de setiembre, la recaldación de les sales de cine n’España polo xeneral baxó un 13,5 per cientu, casi un 20 per cientu nel casu del cine español con 40,7 millones d’euros de taquilla frente a los 47,6 millones de 2012. Los espectadores cayeron un 15,8 per cientu, tamién casi un 20 per cientu nel casu de los de películes españoles con un total de 5,9 millones d’espectadores frente a los 7,3 de 2012. La cuota de mercáu per recaldación del cine español xube a 11,3 per cientu, porcentaxe similar al del pasáu añu, y hasta esti mes estrenáronse 61 películes españoles (24% menos qu’en 2012), diez de les cualos superen el millón d’euros de recaldación. Portela señaló que “va costar llegar” a la cuota de mercáu del 19,5 per cientu cola que cerró’l cine del nuesu país el pasáu exerciciu, anque esperó que la cifra sía “cercana” y sía que non cimera al 15 per cientu. 30 de setiembre, 2013 0 FacebookTwitterPinterestEmail
Cine L’Atenéu Llibertariu d’Uviéu entama n’ochobre un ciclu de cine forum sobre movimientos sociales by asturnet 30 de setiembre, 2013 L’Atenéu Llibertariu d’Uviéu entama demientres el mes d’ochobre un ciclu de cine forum sobre movimientos sociales, en collaboración cola Filmoteca d’Asturies. El ciclu, tolos martes d’ochobre, empieza’l día 1, a les 18,00 hores, col documental «la Plaza. La xestación del movimientu 15-M». De siguío, va celebrase un alderique con integrantes del movimientu n’Asturies. 30 de setiembre, 2013 0 FacebookTwitterPinterestEmail
Cine Cabranes acueye la proyección de “Bernabé” by asturnet 12 de setiembre, 2013 La Casa de la Cultura de Cabranes va acoyer esti vienres 13 de setiembre a les 20 hores la proección de “Bernabé” una película en llingua asturiana dirixida por Pablo Casanueva y protagonizada por Fernando Martínez. La película cuenta la historia de Bernabé Ruebes fugáu depués d’una engarradiella nel serviciu militar que lu condenó primero a cadena perpetua y depués a 30 años de cárcel, faciendo d’elli un mitu cunado s’echó al monte pa fuxir de la prisión. L’alcordanza del bandoleru y, sobremanera, de los atracos y asesinatos que cometió demientres tuvo fugáu tan tovía nel recuerdu de la xente mayor asturiano. 12 de setiembre, 2013 0 FacebookTwitterPinterestEmail
Cine Patrice Leconte va ser protagonista nel Festival de Xixón by asturnet 5 de setiembre, 2013 El prestixosu director y guionista Patrice Leconte va ser unu de los grandes protagonistes de la próxima edición del Festival de Cine de Xixón. La cita xixonesa va cuntar col so talentu por partida doble al ser el presidente del xuráu y amás estrenar n’España’l so últimu trabayu, A promise, un drama nos alboreceres de la Primer Guerra Mundial con un plantel de luxu: Rebecca Hall (“Vicky Cristina Barcelona”), Alan Rickman (“Harry Potter”, “Sentíu y sensibilidá”) y Richard Madden (“Xuegu de Tronos”). Esti aclamáu realizador francés ye conocíu pola audiencia española por trabayos como L’home de la peluquera o L’arume de Yvonne, pero son más de 30 títulos los que respuenden por la so carrera y la so proyección internacional. Ganador de premios tan prestixosos como los BAFTA, Cesar y David de Donatello por otru de los sos grandes ésitos, Ridicule. Naide ta a salvo, Patrice Leconte compitió en delles ocasiones pol máximu galardón nos festivales más destacaos a nivel mundial. Cannes, Berlín y Venecia son namá dalgunes de les cites que se rindieron al so talentu, a les que podríamos añedir Karlovy Vary, Moscú, Cracovia, Taormina o n’el mesmu Festival de Xixón onde compitió l’añu pasáu con una película d’animación, Le magazine des suicides. 5 de setiembre, 2013 0 FacebookTwitterPinterestEmail