Tadej Droljc presenta la performance audiovisual Beambreaker nel Xovellanos

Esti vienres 23 a les nueve la nuechi el Xovellanos acueye una nueva sesión del Llaboratoriu d’Electrónica Visual, que celebra so 15º aniversariu con una programación d’actividaes que volverá somorguiar al públicu na cara más sorprendente de la creación sonora, audiovisual y dixital contemporanea y qu’esta vegada tien al eslovenu Tadej Drolj como protagonista.

Nesta sesión doble en Teatro Xovellanos, l’eslovenu Tadej Droljc va presentar la performance audiovisual Beambreaker, una pieza compuesta de láser, lluz, espeyos doblaos y soníu, na qu’oxetos audiovisuales volumétricos remanecen d’una estrecha sincronización ente fexes de lluces y ondes sonores rotes, creando xuna especie d’espeyu aburuyáu nel que puede reparase lo invisible. De siguío, la nueva batería y percusionista francesa Lucie Antunes va interpretar en directu’l so álbum Sergeï, xuna auténtica esplosión d’allegría y xuna declaración de llibertá, cola que nos convida a recuperar el nuesu neñu interior ente soníos magnéticos y preseos pocu convencionales como la marimba, el vibráfono, la celesta, les campanes tubulares, el carillón o les ondes Martenot.

Organizador: DIVERTIA – TEATRO XOVELLANOS
Cuando: 23 de xunetu de 2021 a les 21:00

Más información