Portada Sociedá Taboada: “Uviéu y Xixón nun pueden vivir de llombu una de la otra”

Taboada: “Uviéu y Xixón nun pueden vivir de llombu una de la otra”

by redacción asturnews

L’alcaldesa en funciones, Ana Taboada, defendió esta selmana pasada la collaboración ente ciudaes, mientres la visita a la Feria d’Amueses, onde foi recibida pola alcaldesa de Xixón, Carmen Moriyón, que-y amosó’l stand de la ciudá costera. Taboada aseguró tres l’alcuentru que “el cercu del que tanto se faló” ye cosa del pasáu, y que “empecipiemos una nueva etapa de collaboración. Uviéu y Xixón nun pueden vivir una de llombu a la otra”. Como exemplu, l’alcaldesa en funciones punxo la programación d’actos de la Selmana Negra per primer vegada na capital del Principáu, o la torna d’Uviéu a la feria, con un stand propiu, per primer vegada nuna década. “Uviéu y Xixón tienen de cooperar, trabayar de mancomún”, aseguró Taboada.

L’alcaldesa de Xixón, Carmen Moriyón, destacó tamién el so apueste pola collaboración ente ciudaes ya instituciones, “por mandatu de les persones que nos votaron”. Moriyón aseguró qu’abrió una nueva etapa de relaciones, tantu col Principáu como con otres ciudaes, como Uviéu.

Tamién te podria gustar