Portada Cine Suzanne Collins sigue la triloxía ‘Los Xuegos de la Fame’ 10 años dempués

Suzanne Collins sigue la triloxía ‘Los Xuegos de la Fame’ 10 años dempués

by redacción asturnews

La escritora Suzanne Collins vuelve a la so saga más popular, diez años dempués de la publicación de Los Xuegos de la Fame, con una nueva entrega, que RBA va publicar n’España’l próximu 3 de xunu. 

El nuevu llibru lleva por títulu Balada de páxaros cantores y culiebres, col que los llectores podrán realcontrase col universu de Panem creáu por Collins. Balada de páxaros cantores y culiebres empieza la mañana de la collecha que da empiezu a los décimos Xuegos de la Fame, y nel Capitoliu, Coriolanus Snow, de dieciocho años, prepárase pa una oportunidá única: algamar la gloria como mentor de los Xuegos. La casa de los Snow, antes tan influyente, traviesa tiempos difíciles, y el so destín depende de que Coriolanus consiga superar a los sos compañeros n’inxeniu, estratexa y encantu como mentor del tributu que-y sía axudicáu, pero tien tou nel so contra, yá que lo humildaron al asigna-y al tributu del Distritu 12.

Lionsgate confirmó apocayá que “Balada de páxaros cantores y culiebres” tamién va llegar a la gran pantalla, una película que va tar dirixida por Francis Lawrence, director de los dos últimos filmes de la serie y que volverá cuntar tamién cola productora Nina Jacobson y el guionista Michael Arndt.

La triloxía Los Xuegos de la Fame (Los xuegos de la fame, En llapaes, Sinsajo) convirtióse n’una de les sagues más aclamaes en tol mundu (traducida a más de 54 idiomes y publicada en 52 territorios).

Tamién te podria gustar