Fiestes Suspendida la Feria de l’Ascensión 2020 by redacción asturnews 15 d'abril, 2020 written by redacción asturnews 15 d'abril, 2020 38 La Xunta de Gobiernu del Conceyu d’Uviéu aprobó esti dia na sesión celebrada por videoconferencia la suspensión de los actos previstos pa celebrar una nueva edición de la Feria de l’Ascensión, y que diben desenvolvese del 22 al 24 del próximu mes de mayu. La conceyala de Festexos del Consistoriu uvieín, Cuadonga Díaz, apeló a un exerciciu de responsabilidá por cuenta de la situación na qu’anguaño nos atopamos, confinaos en casa y somorguiaos entá nes condiciones fites pol estáu d’alarma decretáu’l pasáu 14 de marzu, y que torga que los trámites alministrativos y les solicitúes de permisos puedan llevase a cabu con normalidá, tal que nos apuntaron los técnicos”. Díaz esbozó otru argumentu de pesu y que tien que ver col llevantamientu del confinamientu, y ye que “lo más probable ye que, cuando se llevante ese tao d’alarma, facer de forma progresiva, y que les autoridaes sanitaries encamienten evitar les aglomeraciones y los actos o actividaes que puedan produciles, polo que lo que fiximos ye adelantranos a esi escenariu, por responsabilidá y actuando dende’l rigor col que siempres trabayemos. Lo primero tien de ser garantizar la salú de los ciudadanos. Suspender yera lo más razonable”. Finalmente, la conceyala de Festexos del Conceyu d’Uviéu quixo tresmitir un mensaxe d’ánimu a toos aquellos que diben participar nesos actos colos que se rinde homenaxe al mundu rural uvieín y a les sos xentes, destacando que “ye necesariu realizar esti esfuerzu por que esa reconocencia pueda llevase a cabu con más fuerza, y que dientro poco el nuesu mediu rural pueda recibir esi homenaxe tan merecíu. Xuntos vamos salir adelantre”. 0 FacebookTwitterPinterestEmail Anterior La escuela rural reprocha qu’Educación “vea agora la fienda dixital” siguiente Facebook va xixilar el cumplimientu del confinamientu Tamién te podria gustar El Trasiegu Fest conclúi col envís de poner... El Trasiegu Fest va tener un mercáu con... San Xuan celebrase en toa Asturies con Xixón... Vuelven los Taragaños del Cofrade a Uviéu ‘Güei sálese’ diseña una programación especial pa Selmana... Tradición, música, confraternización y cultura tomen Avilés nes... Fallu del xuráu del Concursu de Proyectos de... Iniciativa y la Fundación Almastur presentaron la Xira... Los actos del Antroxu d’Avilés sumaron los 46.000... L’Antroxu de Xixón parte 36.000 euros en premios