Supersubmarina suspende tolos conciertos de los prósimos meses

by redacción asturnews | agosto 19, 2016 8:32 am

El grupu Supersubmarina anunció esta selmana que suspende los conciertos programaos pa los próximos meses dempués del accidente de coche que sufrieron el domingu los sos componentes cuando volvíen de participar na Aguamala Sunbeach Festival de Cullera (Valencia).

Pink House Management, la empresa que representa al grupu de Baeza (Xaén) señaló nes redes sociales que los cuatro componentes atópense hospitalizaos con mancadures de distintos tipos, toos fora de peligru y a la espera de distintes operaciones, pero evolucionando y respondiendo favorablemente a distintos tratamientos ya intervenciones.

Coles mesmes, añede que “van pasar dellos meses hasta que puedan volver a los escenarios y seguro que lo fadrán con más fuerza que nunca”.

Source URL: http://asturnews.com/supersubmarina-suspende-tolos-conciertos-de-los-proximos-meses/