Suburbia Ediciones pieslla depués de 13 años

Suburbia Ediciones pieslla depués de 13 años
02 09:10 2020 Imprimir

Esta selmana, otra editorial fundamental nel desenvolvimientu de la industria cultural en llingua asturiana facía l’anuncia de que-y ponía puntu y final al so viaxe, depués de 13 añós, con una referencia al final de “El Señor de los Aniellos” na so cuenta de Twitter. Suburbia Ediciones pesllaba depués de 13 años.

Suburbia Ediciones empezó’l so viaxe en 2007 de la man de Silvia Cosío con la idega de revindicar la lliteratura en llingua asturiana y la llingua mesma dende la so páxina web y el so blogue, qu’amás de presentar les novedaes de la editorial, teníen dende’l principiu la intención de convertise nun espaciu de creación lliteraria y artística, lo mesmo que de intercambiu d’idees ente los sos llectores.

Biblioasturias208-Silvia-Cosío-Ediciones-Suburbia-620x465

El catálogu inicial cuntaba con un nutríu grupu d’escritores n’asturianu yá conocíos nel nuesu panorama lliterariu, como Xandru Fernández, Miguel Coloráu, Xulio Arbesú, Marta Mori, Pablo Antón Marín Estrada, Ramón Lluis Bande, Dolfo Camilo Díaz o Pablo Rodríguez Medina, xuntu con otros más nuevos, como Pablo X. Suárez, Nicolás Bardio, Xurde Fernández, Carlos Suari o Iris Díaz Trancho.

Y presentaba un lustru dempués de entamar cinco colecciones: ‘Mecánica popular’ (narrativa), ‘Males tierres’ (poesía), ‘Páxina en blancu’ (ensayu), ‘Camín de Bree’ (lliteratura infantil)’ y ‘Quemando cromu’ (lliteratura de xéneru), xuna apuesta personal de la mesma Silvia Cosío, que dende’l principiu enfotoseSubu en promover la lliteratura de xéneru (hestórica, ciencia ficción…) n’asturianu.

  Categories:
Loading Facebook Comments ...