Portada Educación Suatea va pidir que’l sector educativu sía «motor» d’emplegu pa evitar la despoblación

Suatea va pidir que’l sector educativu sía «motor» d’emplegu pa evitar la despoblación

by redacción asturnews
Captura de la web del sindicatu SUATEA col so logu y direcciones de redes sociales

Suatea va pidir esti miércoles na Xunta Xeneral del Principáu nes comparecencies pa opinar sobre l’anteproyectu de presupuestos, que’l sector educativu «sía motor d’emplegu» pa revertir la situación de despoblamientu que sufre Asturies, «con plantiyes avieyaes y l’emigración de los mozos».

Va ser esti miércoles cuando la Universidá, la Federación Asturiana de Conceyos, les organizaciones sindicales y una amplia representación d’asociaciones profesionales y sociales d’Asturies comparezan na Xunta Xeneral del Principáu pa opinar sobre l’anteproyectu de presupuestos y realizar los sos propuestes sobre emplegu. Y ellí unu de los comparecientes va ser el sindicatu Suatea, que va pidir que’l sector educativu «sía motor d’empléu» pa revertir la situación de despoblamientu que sufre Asturies, «con plantiyes avieyaes y la emigración de los mozos».

Va plantegar trés midíes. La primera ye que los docentes de Secundaria vuelvan a les 18 hores lectives, dempués de que’l decretu Wert’ ampliara a 20. Aliega que «Cantabria y Baleares yá lo tán faciendo y va dexar contratar a docentes nuevos». La segunda ye que los funcionarios de carrera mayores de 55 años puedan beneficiase de menos hores de clase pa dedicar esi tiempu a otres funciones nel centru, ensin amenorga retributiva. Esta iniciativa, según Suatea, va facilitar tamién la medría de contrataciones.

Y la tercera ye’l cumplimientu del alcuerdu de plantiya de Primaria, qu’establecía que per cada unidá de Primaria habría un tutor de Primaria, y «non especialistes d’Inglés, Educación Física o Música, que pierden hores de clases de sofitu y refuerzu». Tamién va reclamar la convocatoria de places pa estabilizar a los interinos.

Tamién te podria gustar