Portada Sociedá SUATEA va cellebrar les primeres Xornaes sobre Llingua y Lliteratura en Xixón

SUATEA va cellebrar les primeres Xornaes sobre Llingua y Lliteratura en Xixón

by asturnet

El sindicatu de la enseñanza SUATEA va cellebrar los díes 4 y 5 d’abril les primeres Xornaes sobre Llingua y Educación nel Antiguu Institutu de Xixón. La primera xornada va entamar a les 16:30 hores con una mesa redonda sobre los derechos llingüísticos nel marcu estatal y europeu na que van participar xuristes como Leopoldo Tolivar, Jose Manuel Perez y Eva Pons; y el mayestru d’euskera Jose Manuel Urroz.

Tres un descansu, la xornada inaugural va finar con un alcuentro nel que sva debatise sobre’l papel de los axentes sociales na defensa de los derechos que cinquen a la llingua. Na mesma van intervenir, la direutora de Les Noticies, Beatriz R. Viado; el direutor de programación de Radio Sele, Xuan Xose Mariño; Xose Miguel Suárez, de Xeira; y Lluismi Orviz, de la Xunta pola Defensa de la LLingua.

Ne segunda de lesdos xornaes, la del sábadu 5 d’abril, van abordase dellos temes esenciales como la formación del profesoráu n’Asturies, del que falará, ente otros, el vicedecanu de la Facultá de Filoloxía, Xose Antón González Riaño; el tratamientu que se fai de la enseñanza del asturianu y otres llingües na educación primaria. Estes dos xornaes van finar con una espicha al cargu de los organizadores de les mesmes.

Tamién te podria gustar