SUATEA propón que la LOMCE vuelva al Conseyu Escolar del Estáu

23 xineru 08:43 2013 Imprimir

STES-i presentó un Informe alternativu al ellaboráu pola Comisión Permanente del Conseyu Escolar del Estáu (CEE) pidiendo la devolución del anteproyectu de la Llei Orgánica de Meyora de la Calidá Educativa al Ministeriu d’Educación. El Plenu del CEE. axúntase’l día 24 de xineru; nesti plenu va participar la miembru del Secretariáu de SUATEA, Beatriz Quirós y ellí presentará ente otros argumentos qu’esta ye “una contrarreforma que pretende la marxinación de les llingües propies de les comunidaes autónomes y que dexa a la llingua asturiana nuna situación que pue llevar a la so práctica desapaición del sistema educativu asturianu.

Amás, SUATE y STES-i enconten el so refugu a esti anteproyectu, que califiquen de “contrarreforma”, la non negociación de la mesma cola comunidá educativa, la busca de la privatización del sistema educativu y el desprestixu de la escuela pública, amás de la segregación del alumnáu, la imposición d’una asignatura alternativa a la relixón confesional, los incumplimientos de la Llei d’Igualdá de Xéneru, la fin de la participación de la comunidá educativa na xestión de los centros educativos públicos y el despreciu del trabayu del profesoráu.

  Categories:
Loading Facebook Comments ...