Portada Educación Suatea pide anular los conciertos educativos y reforzar la rede pública

Suatea pide anular los conciertos educativos y reforzar la rede pública

by redacción asturnews
Captura de la web del sindicatu SUATEA col so logu y direcciones de redes sociales

El sindicatu Suatea reclamó ayeri suprimir tolos conciertos educativos nos conceyos onde la rede pública disponga de capacidá abonda p’asumir les necesidaes escolares de la población. El sindicatu realizó ayeri esti planteamientu dempués conocese los datos de solicitú de matrícula nos colexos, con un 25% de places llibres, sobremanera na pública.

El sindicatu defende esta midida como la forma de “garantizar una enseñanza universal, igualitaria, inclusiva, laica y calidable pal conxuntu de la población escolarizada”. Nos próximos díes, representantes del sindicatu van tresmitir los sos planteamientos a los distintos partíos políticos.

Tamién te podria gustar