Portada Mundu SUATEA desixe la paralización de la nueva Llei de la Reforma Llaboral que permite despedir emplegaos fixos

SUATEA desixe la paralización de la nueva Llei de la Reforma Llaboral que permite despedir emplegaos fixos

by asturnet

El gobiernu que yá llexisló pa dar el primer pasu, agora ta dispuestu a rematar lo que yá empezó y pretende despidir a miles d’emplegaos públicos colo qu’esto trai non yá en medría de paru sinón no qu’afecta a tola población yá que un emplegáu públicu menos ye un pergrave deterioru de los nuesos derechos como ciudadanos y ciudadanes.

Pa SUATEA “paez que la bestia nun tien abondo con tolos retayos anunciaos pal sector públicu, conxelación de salarios, aumentu de xornada llaboral, eliminación de la paga estraordinaria de navidá, el despidu de miles d’interinos ya interines. Agora vase un pasu más allá pretende destruyise emplegaos llaborales fixos de l’alministración anulando convenios colectivos, modificando l’estatutu de los trabayadores etc. llexislando “por que yo dicir” a golpe de decretu”.

Esta situación ta faciéndose cada vez más insostenible, pa esti sindicatu, ” yá que crear desempleos en cuenta de crear empleos nun puede de nenguna manera crear crecedera, lo que si xenera ye una situación de crispadura ente la población trabayadora d’esti país que ve como d’un refundiu tánse llevando per delantre toos nuesos derechos, que se tán esaniciando servicios esenciales como la población educación, sanidá, ayudes a los más desfavorecidos etc. y tar faciendo ensin nengún tipu d’arrebol n’ares de salvar, a estes altures yá nun sabemos bien que, por que si quedamos toes y toos ensin empléu, si quítennos los servicios públicos esenciales …!Hasta onde va llegar esta ensin razón!”.

Nun comunicáu, SUATEA quier afitar que “la crisis nun la creamos el trabayadores y trabayadores pero nun la tán cobrando y bien cara y mientres a los bancos inyéctenlos dineru por que se recuperen de la especulación a nós déxennos na cai y dícennos que síamos entamadores, que pongamos los nuesos negocios, que tengamos iniciativa. Resumiendo que vaigamos agora a pidir creitos a los bancos pa poner negocios que nun van poder funcionar porque naide va tener dineru pa mercar, pero los bancos van cobranos unos bonos intereses por emprestanos un dineru pa fundinos más y ellos aumentar beneficios. Yá se quedaron coles nueses viviendes y agora van quedase colos nuesos aforros.

Dende SUATEA, desixen finalmente que se paralicen estes nueves reformes que’l gobiernu pretende poner en marcha, l’empléu públicu nun ye recortable.

Tamién te podria gustar