Portada Comunicación Suatea denuncia que Celáa niega la especialidá al asturianu

Suatea denuncia que Celáa niega la especialidá al asturianu

by redacción asturnews
María Isabel Celaá - Foto: La Moncloa - Gobierno de España (https://www.flickr.com/photos/lamoncloa_gob_es/)

La especialidá d’asturianu vuelve a la primer plana de la man de la rempuesta que recibiera esta selmana pasada SUATEA de la ministra Celáa que conclúi que nun procede incorporar a la normativa básica (Decretu Especialidaes docentes) aspectos referíos a la so regulación, al considerar qu’Asturies ye competente a tolos efectos na regulación de les aries y materies de llibre configuración autonómica.

SUATEA dirixó a la Excelentísima Sra. Ministra de Educación y Formación Profesional, un escritu nel que solicitaba la modificación de los decretos d’ especialidaes de los cuerpos de Maestros, Secundaria y Enseñanzas de Régimen especial [Escuetas Oficiales de ldiomas] col envís de qu’el Principáu d’Asturias pudiere crear les especialidaes de Llingua Asturiana y Gallego-Asturianu, pa lo que proponíemos s’amestare’l textu siguiente:
«En aquellas Comunidades Autónomas en las que haya lenguas no oficiales que tengan protección legal y formen parte del currículo, podrá darse también, a petición de Ia Comunidad Autónoma y según necesidades educativas, la especialidad propia de Ia lengua respectiva».

EQUÍ podéis ver la rempuesta de la Ministra d’Educación a la pitición de SUATEA de modificar el Decretu Especialidaes docentes pa poder incluyir nelli les nuestes llingües autóctones.

Na rempuesta, dempués de citar tola normativa vixente que regula la impartición de llingües oficiales y otres non oficiales con protección xurídica, conclúi que nun procede incorporar a la normativa básica (Decretu Especialidaes docentes) aspectos referíos a la so regulación, al considerar qu’Asturies ye competente a tolos efectos na regulación de les aries y materies de llibre configuración autonómica (onde tán inxeríes les nuestres llingües) tanto nel desarrollu curricular como na acreditación de la cualificación específica afayadiza pa impartiles. Efectivamente, Asturies tien competencia pa determinar la cualificiación específica pa impartir estes materies (tolos estremaos títulos y acreditaciones reconocíos pol Rexistru d’Acreditación de Llingua Asturiana y Gallego-Asturianu), pero estos títulos nun tienen la mesma consideración que los reconocíos nel Decretu d’Especialidaes, pues al nun tar nelli, torgáse-yos la posibilidá d’entrar a formar parte de les plantiyes orgániques del profesoráu y, polo tanto, la posibilidá d’acceder a un puestu de trabayu estable en condiciones d’igualdá coles otres especialidaes. D’ehí la nuestra pitición.

La Ministra Celáa, con esta rempuesta evasiva, igual que los anteriores ministros del PP y el Gobiernu Asturianu al nun apoyar la OFICIALIDÁ na Xunta asturiana, afuxe de la so responsabilidá y competencia esclusiva na modificación del Decretu Especialidaes Docentes y condena a los/les enseñantes asturianos a la precaridá y la marxinación.

Tamién te podria gustar