Música Stray Cats, Nervous Eaters y Ray Gelato culminen tres díes de rock internacional en Xixón by asturnet 23 de xunetu, 2004 written by asturnet 23 de xunetu, 2004 31 Stray Cats pon la espuela a dos xornaes de conciertos abiertos de rock en Xixón. El II Festival Crossroad, nel que participen doce bandes y que güei cellebra’l so segundu recital collectivu, culmina mañana 72 hores de música con una folixa pa los titulares d’abonos na sala El Jardín na que tocarán dos de los participantes nel festival, Ray Gelato y Nervous Eaters. Depués d’una primer xornada seguida anueche por miles de persones na plaza de toros d’El Bibio, coles actuaciones de Buddy Guy, Kings of Leon, The Meows, Hi-Risers, Hayseed Dixie y Ray Gelato, el Crossroad tien fixada pa güei la intervención de Stray Cats, que pesllarán una nueche de rock na qu’intervendrán Trash Tornados, The Come Ons, Laika and The Cosmonauts, The Dempseys y Nervous Eaters. Amás, esta última banda y el saxofonista Ray Gelato ufrirán un conciertu de despidida mañana, na sala El Jardín, na que sedrá la folixa d’espuela del festival y a la que podrán acceder los titulares d’abonos hasta completar l’aforu del recintu. Como novedá respecto a l’anterior edición, el Festival Crossroad alluga nel interior de la plaza de toros de Xixón un mercáu integráu por diez puestos nos que tán a la venta ropa, discos y productos de coleccionismu referíos a les bandes participantes. 0 FacebookTwitterPinterestEmail Anterior La fiesta’l pastor y la romería vaqueira marquen un fin de selmana plenu de folixa siguiente La delegación asturiana ultima’l viaxe al Festival de Lorient, nel que tendrá presencia diaria Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón