Portada Cine Stranger Things ye la serie dixital más popular d’España en 2017

Stranger Things ye la serie dixital más popular d’España en 2017

by redacción asturnews

Stranger Things foi la serie dixital más popular d’España en 2017, sigún la consultora de la industria de TV Parrot Analytics.

Anque ye probable que Amazon Prime Video y HBO cada vez se dexen ver más n’España, el streaming de vídeu de pagu ye inda sinónimu casi esclusivu de Netflix nel nuesu país. Por eso mesmu, la llista colos títulos más relevantes del segmentu de les series dixitales d’esti mercáu coincide prácticamente colos de la citada plataforma estadounidense. Ye lo que dexa perafitao la consultora de la industria de TV Parrot Analytics que, al ellaborar el ranking de los venti series más populares d’España en 2017, solo incluyó trés de otres productores. Y ente les diez más solicitaes nun hai espaciu pa nenguna que nun sía’l de Netflix.

De toes elles, tal que amuesa esti gráficu de Statista basáu en datos de Parrot Analytics, el serial de ficción Stranger Things foi’l que recibió un mayor númberu d’amueses d’interés l’añu pasáu, un total de 13,4 millones. Narcos, que trata sobro’l tráficu de drogues principalmente en Colombia, foi’l siguiente na clasificación, con 7,4 millones.

“Demand Expressions®”, traducíu como “Amueses d’Interés” ye una métrica estándar global creada por Parrot Analytics pa representar la demanda total espresada pola audiencia d’una serie dientro d’un mercáu. La demanda reflexa cómo l’audiencia deseya, sigue y interactúa, afaciendo cada acción según la so importancia, de manera tal que les descargues o “streaming” tienen un valor más altu que los comentarios o los me gusta”.

Tamién te podria gustar