Stephen Hawking abre los actos de conmembranza de la Fundación Príncipe con una conferencia sobro la realidá de la naturaleza

11 abril 23:56 2005 Imprimir

L’astrofísicu Stephen Hawking ufierta esta tarde nel Auditoriu d’Uviéu una conferencia sobro los sos trabayos alrodiu de los oríxenes del universu nun actu que va servir pa inaugurar el programa de celebraciones col que la Fundación Príncipe d’Asturies quier conmembrar el venticincu aniversariu de la creación de los premios que lleven el so nome. Los Príncipes d’Asturies presidirán un actu que va cuntar tamien cola presencia de dalgunos de los galardonaos polos Premios de la Fundación n’anteriores ocasiones.

L’actu nel que Hawking va ofrecer la so conferencia titulada “La realidá de la naturalez” tendrá una solemnidà asemeyada a la de les ceremonies d’entrega de los Premios Príncipe d’Asturies, cola presidencia del propiu heriede de la corona y la so muyer Letizia Ortiz, y na que Felipe de Borbón pronunciará un discursu alrodiu del aniversariu de la Fundación y de la presencia del formulador de la teoría del Big Bang. Diverses figures del mundu de la política, la cultura y l’ámbitu científicu galardonaes n’anteriores ocasiones van tar nel actu, ente elles, tienen confirmao la so asistencia l’astronauta Pedro Duque, el cineasta Luis García Berlanga, la tenista Arancha Sánchez Vicario y el científicu Luis Patarroyo.

La conferencia de Stephen Hawking va ser illustrada con dos documentales alrodiu de la so vida y investigaciones que podrán vese’l prósimu llunes proyectaos nel salón d’actos del centru cultural de Cajastur n’Uviéu.

  Categories:
Loading Facebook Comments ...