Portada Cine ‘Star Wars: The Last Jedi’ desvela’l so primer tráiler.

‘Star Wars: The Last Jedi’ desvela’l so primer tráiler.

by redacción asturnews

Star Wars: The Last Jedi, la nueva cinta de la saga “La guerra de les galaxes” que se va estrenar el próximu 15 d’avientu, desvelóesti llunes el so primer tráiler na convención Star Wars Celebration que se celebra estos díes n’Orlando (EEXX).

La película que va dar continuación a “Star Wars: L’espertar de la fuerza” (2015) y que va ser la octava de la saga, al marxe de filmes derivaos del universu de George Lucas como “Rogue One” (2016), foi la protagonista güei d’una presentación na que participó’l so director Rian Johnson y parte del elencu.

Nes imaxes, de tonu muncho más escuru y esmolecedor que l’anterior película, apaez Rei entrenando al pie de Luke Skywalker y blandiendo la so espada láser. Nel adelantu tamién se vieron a los personaxes Finn y Poe Dameron según delles escenes d’atanantes lluches y persecuciones espaciales.

“Star Wars: The Last Jedi”, empobinada y escrita por Rian Johnson (“Looper”, 2012), va cuntar nel repartu colos actores Daisy Ridley (Rei), John Boyega (Finn) y el guatemalteco Óscar Isaac (Poe Dameron), presentes nel séptimu episodiu.

La octava entrega de “La guerra de les galaxes” va dar amás la bienvenida a nuevos actores como’l puertorriqueñu Benicio del Toro, Laura Dern y Kelly Marie Tran, en papeles qu’inda nun fueron revelaos.

Tamién te podria gustar