‘Star Wars: Los postreros Jedi’ llogra’l segundu meyor estrenu de la hestoria n’EE.XX

22 avientu 13:21 2017 Imprimir

Star Wars: Los postreros Jedi ingresó nel so estrenu 220 millones de dólares n’Estaos Xuníos, la segunda meyor marca de tolos tiempos, por detrás de la so hermana Star Wars: L’espertar de la Fuerza, informó güei la web especializada The Hollywood Reporter.

Los postreros Jedi abrió con un 11 % d’ingresos menos que l’impresionante llanzamientu de “L’espertar de la Fuerza” na mesma fin de selmana de 2015, una fazaña rara na era de les remortines qu’entós llogró 247,9 millones de dólares. A nivel internacional, el proyectu del director Rian Johnson recaldó 230 millones de dólares de 54 mercaos, a falta de les cifres d’estrenu n’España, Xapón o China.

Les sos mires a escala global asítiense alredor de los 425 millones de dólares, lo que la asitiaría detrás de Fast & Furious 8 (2017), que llogró 542 millones; Star Wars: L’espertar de la Fuerza, que ganó 529 millones; Jurassic World, qu’ingresó 525 millones; y Harry Potter y les reliquies de la muerte 2 (2011), que s’anotó 438 millones. Na nueva cinta de Star Wars, la hestoria de los Skywalker sigue colos nuevos personaxes Rei y Finn xuniendo fuerces con Luke y Leia nuna aventura que va desvelar antiguos misterios y va desenterrar revelaciones del pasáu.

  Categories: