Star Wars entama a publicitar el spin-off sobre Han Solo

03 marzu 08:49 2017 Imprimir

“Han Solo. Contrabandista. Manguán. Héroe. Una nueva hestoria de Star Wars empieza”. Con esi mensaxe nel Twitter oficial de la franquicia galáctica, Disney amosó nos caberos díes de febreru la primer fotografía del elencu que va protagonizar la película centrada nel personaxe d’Han Solu.

La imaxe del rodaxe allantó a los fans de Star Wars porque paecen tolos actores principales nel llexendariu Ferre Milenariu. Salen Christopher Miller, Woody Harrelson, Phoebe Waller-Bridge, Alden Ehrenreich, Emilia Clarke – La madre de dragones de Xuegu de Tronos-, Donald Glover, y Joonas Suotamo -que se va meter na peluda piel de Chewbacca-. Tamién apaez na fotografía’l codirector Phil Lord.

Les principales imaxes del filme empezaron a rodase’l llunes dia 20 de febreru nos Pinewood Studios de Londres. El filme, inda ensin títulu, va ser segundu’l spin-off de la franquicia creada pol cineasta George Lucas, dempués de Rogue One: Una hestoria de Star Wars (2016), y el so estrenu ta previstu pal 25 de mayu de 2018. Esta nueva película de Star Wars allugada antes de los acontecimientos de “La guerra de les galaxes”, el primer filme de la saga, estrenáu en 1977, polo que se produz  primero qu’apaecieren na vida d’Han Solo personaxes como Luke Skywalker o la princesa Leia.

  Categories: